Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

KRYESORE

Kërcënoi Albin Kurtin në Facebook, politikani kosovar arrestohet pas deklaratës

Politiko 29 Dhjetor 2019, 11:57
Kërcënoi Albin Kurtin në Facebook, politikani kosovar arrestohet

Anëtari i Nismës Socialdemokrate, Haxhi Hoti, është arrestuar ditën e sotme, nën akuzën e kërcënimit të liderit të Lëvizjes Vetëvendosje, Albin Kurti, përmes një postimi në rrjetin social Facebook.

Ky lajm është konfirmuar nga zëdhënësi i Policisë së Kosovës, Daut Hoxha, i cili është shprehur se Policia e Kosovës ka trajtuar informacionin e publikuar ne rrjete sociale dhe sipas detyrës zyrtare ka ndërmarrë veprimet konform autorizimeve ligjore duke trajtuar rastin si ‘shtytje në vrasje’.

“Të gjitha veprimet janë ndërmarr në bashkëpunim dhe koordinim me organet e drejtësisë, personi i dyshuar është kërkuar dhe nuk është gjetur në shtëpi. Të njëjtit i është lënë ftesa për paraqitje të menjëhershme në polici dhe janë njoftuar të gjitha njësitë policore”, ka deklaruar Hoxha, për gazetën “Telegraf”.

Haxhi Hoti, pas paraqitjes në polici me urdhër të prokurorit është dërguar në mbajtje për 48 orë për procedura te mëtejme.

Kujtojmë se anëtari i Nismës Socialdemokrate, Haxhi Hoti, i cili ishte edhe kandidati për deputet nga kjo parti, të shtunën lëshoi një deklaratë kundrejt kreut të LVV-së, Albin Kurti, ku thoshte se “Kurti ose duhet ta lëshojë Kosovën, ose të vritet”, pasi sipas tij, nuk është interes i Kosovës që të jetë kryeministër.

Kjo deklaratë e tij ka nxitur reagime të shumta, ndërsa Lëvizja Vetëvendosje ka dorëzuar kallëzim penal ndaj Hotit, duke e quajtur kërcënim brutal.

Të fundit