Kërkoi 100 euro për të lejuar kalimin në Itali, në pranga polici kufitar në Vlorë

Në kuadër të operacionit “Blue border”, policia e Vlorës ka goditur një rasë ta korrupsionit pasiv.

Në pranga ra shtetasi Bledar Shele, 39 vjeç i cili ishte në funksionin e policit kontrollor në Stacioni e Policisë Kufitare Porte Vlorë.

Dyshohet se polici kufitar i kërkoi 100 euro një shtetasi për ta lejuar të kalonte në Itali pasi 39 vjeçari pretendonte se nuk i përmbushte kriteret për të udhëtuar në zonën Shengen.

Gjatë kontrollit të personit, mësohet se në cilësinë e provës materiale iu gjendën 100 euro të cilat ju sekuestruan në cilësinë e provës materiale.