“Peza është vendi që nuk i bashkoi asnjëherë politikisht shqiptarët”. Kështu shprehet ish ministri i Drejtësisë, Ylli Manjani nëpërmjet një postimi në facebook, në lidhje me ceremoninë që u mbajt sot në për 77 vjetorin e Konferencës së Pezës.
Ai e ka quajtur këtë Konferencë thjeshtë një teatër absurd në emër të pajtimit.
“Edhe sot kështu ishte. Udhëheqësi nuk u shfaq fare. Mëkëmbësit e Tij u kujdesën të mbanin distancë nga “armiku” (Presidenti). Ky i fundit i bëri thirrje Vasilikës, Erionëve por edhe “të çmendurës E” për bashkim. PD, PR, Balli e të tjerë jo e jo. S’kanë qenë ndonjëherë aty. Kurrë nuk i bashkoi Shqiptarët ai vend. Megjithatë kremtohet një bashkim virtual… Teatër absurd, ku vetëm bashkim nuk mund të ketë”, shkruan Manjani.
Kujtojmë që sot në 77 vjetorin e Konferencës së Pezës morën pjesë presidenti Ilir Meta, si dhe përfaqësues të mazhorancës si zv.kryeministri Erion Braçe, nënkryetarja e parlamentit, Vasilika Hysi, ministrja Elisa Spiropali, apo kryebashkiaku i Tiranës, Erion Veliaj.
Discussion about this post