Posta e mëngjesit/ Me 2 rreshta: Çfarë pati rëndësi dje në Shqipëri

■ PD cakton drejtuesit politik në Berat dhe Dibër, detyrat i besohen Tomorr Alizotit dhe Xhelal Mziut.

■ Xhelal Mziu ka folur për herë të parë pas caktimit si drejtues politik në qarkun e Dibrës. Ai shprehu bindjen se do të marrë një fitore spektakolare në këto zgjedhje.

■ ISP ka apeluar partitë politike që të respektojnë kërkesën e qytetarëve, të cilët duan largimin nga kandidimi të individëve të dekriminalizuar, të atyre janë pjesë e listës së zezë amerikane dhe të larguarëve për korrupsion nga vetingu në drejtësi.

■ Gjashtë nxënëse janë dërguar në Urgjencë si pasojë e rrjedhjes së gazit në një shkolle në rrugën "Don Bosko" në kryeqytet. QSUT tha se pacientet kanë shfaqur simptoma të lehta dhe janë jashtë rrezikut për jetën. Flasin nxënëset.

■ Një ushtar shqiptar me mision në Afganistan ka ndërruar jetë. Ende nuk dihen rrethanat se si ndërroi jetë ushtari, ndërkohë që autoritetet kanë nisur hetimet.