Flash News

Zbulohet skema mashtruese online, AKSK apel qytetarëve: Si duhet të mbroheni

Imami Ahmed Kalaja rrezikon deri në 3 vite burgim, akuzohet për pengim të drejtësisë

Lëndë piroteknike pranë Universitetit Politeknik, policia sekuestron materialet dhe nis hetimet

Të shtëna në Allias, 31-vjeçari qëllohet nga komshiu, autori zhduket pas ngjarjes

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

“Ku ka si Tirona”/ Erion Veliaj me veshje tironse, shndërrohet në këngëtar

Politiko 11 Shkurt 2020, 21:43
“Ku ka si Tirona”/ Erion Veliaj me veshje tironse, shndërrohet

Me rastin e kremtimeve në kuadër të 100-vjetorit të shpalljes së  Tiranës kryeqytet, në sheshin “Nënë Tereza” u zhvillua mbrëmjen e sotme një aktivitet  festiv me muzikë tradicionale tiranase.

Sheshi u me mijëra qytetarë të Tiranës që shijuan spektaklin e dhënë nga këngëtarë të shquar të muzikës popullore shqiptare dhe tiranase, si Artjola Toska, Bujar Çiçi, Irma Libohova, Merita Halili, Pajtim Struga, Sinan Hoxha dhe Valbona Mema.

Në skenë u paraqit edhe kryetari i Bashkisë së Tiranës, Erion Veliaj, i cili ishte veshur me veshje popullore të Tiranës dhe këndoi këngën “Ku ka si Tirona”.

“Tirana jonë filloi para 100 vitesh kur u bë kryeqytet me vetëm 10 mijë banorë, në 100 vite është rritur 100 herë, se vetëm një zemër e madhe si Tirona ka hapësirë edhe për Tepelenën, edhe për Tropojën, edhe për Shkodrën dhe për Sarandën dhe për Korçën, edhe për Kukësin, se Tirona zemra e madhe ka vend për të gjithë. Ndaj nuk ka rënësi nëse jeni den baba den tirons, si familjet e nderuar që vlerësuam sot, që ia hapën shtëpinë e tyre qeverisë shqiptare para 100 viteve, që të ishte ky qyteti i sigurt, ky qyteti bujar, ky qyteti i dashurisë, ky qyteti i punës, ky qyteti i ahengut, ky qyteti i miqësisë”, tha Veliaj.

Të fundit