Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

KRYESORE

Kuvendi shpall garën për një vend në Gjykatën Kushtetuese

Politiko 21 Gusht 2019, 20:33
Kuvendi shpall garën për një vend në Gjykatën

Kuvendi i Shqipërisë ka shpallur një vend të lirë për një kandidat në Gjykatën Kushtetuese, pas shkarkimit nga vetingu të gjyqtarit Fatos Lulo. Vakanca u krijua që më 28 gusht të vitit të shkuar.

Këshilli i Emërimeve në Drejtësi, i dërgoi kërkesë Kuvendit të Shqipërisë dhe Presidentit për të shpallur vakancë për një kandidat secili institucion. Aktualisht, Gjykata Kushtetuese ka vetëm një anëtar, Vitore Tushën, ndërsa janë në garë edhe gjashtë kandidatë që vazhdojnë procesin e pikëzimit, ku katër prej tyre do të mund të përzgjidhen si anëtar të Gjykatës Kushtetuese. Që të jetë funksionale, kjo Gjykatë duhet të ketë minimalisht gjashtë anëtarë.

Më poshtë janë kushtet që një kandidat duhet të plotësojë për të garuar për anëtar të Gjykatës Kushtetuese:

Lista e kandidatëve do të publikohet në faqen zyrtare të internetit të Kuvendit të Shqipërisë, dhe bashkë me dokumentacionin përkatës për secilin kandidat do t’i përcillet Këshillit të Emërimeve në Drejtësi.

Kushtet

v Gjyqtar i Gjykatës Kushtetuese mund të zgjidhet shtetasi shqiptar që përmbush këto kushte:

–     të ketë zotësi të plotë për të vepruar;

–     të ketë mbaruar arsimin e lartë juridik, Diplomë e Nivelit të Dytë;

–     të mos ketë ushtruar funksione politike në administratën publike dhe të mos ketë mbajtur pozicione drejtuese në parti politike gjatë 10 viteve të fundit nga data e kandidimit;

–     të mos jetë në procedim penal dhe të mos jetë dënuar me burgim për kryerjen e një vepre penale;

–     të mos jetë larguar nga detyra për shkaqe disiplinore dhe të mos ketë masë disiplinore në fuqi;

–     të ketë kaluar me sukses procesin e kontrollit dhe verifikimit të pasurisë së tij personale dhe të familjarëve të tij, sipas ligjit.

v Kandidati që përmbush kushtet e parashikuara më sipër, duhet të plotësojë edhe këto kritere:

–     të ketë përvojë pune jo më pak se 15 vjet si gjyqtar, prokuror, avokat, profesor ose lektor i së drejtës, jurist i nivelit të lartë në administratën publike;

–     të ketë një veprimtari të njohur në fushën e të drejtës kushtetuese, të drejtave të njeriut ose sfera të tjera të së drejtës;

–     të jetë vlerësuar për aftësitë profesionale dhe integritetin etik e moral.

v Plotësimi i kritereve të mësipërme vlerësohet në bazë të:

–     vjetërsisë në profesion;

–     përvojës së veçantë të kandidatit në një fushë të caktuar të së drejtës, ose këshilltar ligjor i Gjykatës Kushtetuese a Gjykatës së Lartë;

–     kualifikimeve pasuniversitare dhe trajnimeve në fushën e të drejtës kushtetuese, të drejtave të njeriut ose në një fushë tjetër të së drejtës;

–     treguesve shkencorë, ku përfshihen botimet dhe artikujt shkencorë në fushën juridike;

–     ecurisë gjatë kryerjes së arsimit të lartë juridik, me një mesatare notash jo më pak se 8 ose të barasvlershme me të, nëse arsimi i lartë është përfunduar jashtë vendit ose vlerësimit përfundimtar në Shkollën e Magjistraturës;

–     informacioneve të marra nga institucione të tjera publike.

v Kandidatët e interesuar duhet të paraqesin dokumentacionin e mëposhtëm:

–     Kërkesën për shprehjen e interesit për të kandiduar për vendin vakant;

–     Jetëshkrimin, me të dhënat e plota të kontaktit (numër telefoni, adresë e-mail);

–     Fotokopje të kartës së identitetit;

–     Dokumentacionin shoqërues nëpërmjet të cilit vërtetohet përmbushja e kushteve dhe kritereve të përcaktuara në nenin 7/a të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar.

–     Formularin e vetëdeklarimit të plotësuar dhe nënshkruar sipas përcaktimeve të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”. Formulari i vetëdeklarimit gjendet bashkëlidhur këtij njoftimi.

–     Formularin e aplikimit të plotësuar “Për informim përpara emërimit/zgjedhjes në poste të larta”, në përputhje me parashikimet ligjore të nenit 29, të ligjit nr. 45/2015 “Për të drejtën e informimit për dokumentet e Ish-sigurimit të shtetit të Republikës Popullore Socialiste të Shqipërisë”. Formulari gjendet bashkëlidhur këtij njoftimi.

Kërkesa për shprehjen e interesit, e shoqëruar me dokumentacionin e mësipërm, duhet të paraqitet brenda datës 15 shtator 2019 në zyrën e protokollit të Kuvendit, ose me postë në adresën:

Të fundit