Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

KRYESORE

Ministria e Brendshme bën sërish bilancin pas tërmetit: Po vazhdojmë me prishjen e objekteve, qindra policë të angazhuar në terren

Politiko 4 Dhjetor 2019, 19:46
Ministria e Brendshme bën sërish bilancin pas tërmetit: Po

Zv/ministrja e Brendshme, Romina Voda gjatë një deklarate për mediat ka publikuar të dhënat e fundit nga bilanci i punës lidhur me dëmet e tërmetit të 26 nëntorit.

Voda tha se po vazhdon puna e prishjes së objekteve që përbëjnë rrezik, ndërsa nënvizoi se shumë policë janë në terren për të garantuar sigurinë e banorëve.

Deklarata

“Përsa i përket bilancit paraprak të inspektimeve, të dhënat janë si në vijim:

Bashkia Durrës – 748 Objekte të inspektuara, 270 të pabanueshme, 34 për tu prishur;

Bashkia Krujë – 2185 Objekte të inspektuara, 748 të pabanueshme, 8 për t’u prishur;

Bashkia Shijak – 1218 Objekte të inspektuara, 717 të pabanueshme, 228  për t’u prishur;

Në rang qarku, 4151 objekte të inspektuara.

PUNA NË TERREN

Përditësim i bilancit paraprak të situatës për prishjen e objekteve në zonat e prekura nga tërmeti i 26 Nëntorit 2019, si në vijim:

27 prishje objektesh gjithsej, nga të cilat:

10 objekte në qytetin e Thumanës, dhe;

17 objekte në Bashkinë Durrës.

Ka filluar prishja e një objekti 4-katësh në zonën e plazhit, tek “Ura e Dajlanit” Durrës.

Vijohet të punohet për prishjen e 1 objekti 3-katësh në Shkozet, (autostradë) Durrës.

Në Thumanë:

Në vijim të deklaratës së orës 13:30 ku njoftuam për ecurinë e punës në terren konfirmojmë se u shemb Shkolla 9-vjecare “Ramazan Jangozi”, objekt 2-katësh.

SIGURIA

Për përballimin e situatës në terren janë angazhuar mbi 800 punonjës policie.

Menjëherë pas ngjarjes së tërmetit të 26 nëntorit, strukturat e Drejtorisë së Policisë së Qarkut Durrës u angazhuan për përmbushjen e detyrimeve ligjore dhe në mbështetje të gjithë institucioneve në bashkërendim të plotë me Komitetin Ndërministror të Emergjencave Civile me qendër në Durrës.

Pas punës në terren të ditëve të para për misionet e kërkim-shpëtimit, strukturat e policisë kanë siguruar rendin në parametra normalë në të gjithë qarkun dhe monitorojnë terrenin për parandalimin e çdo lloj ngjarjeje me tendencë ndaj jetës, pronës dhe lirive të qytetarëve.

Aktualisht, nga punonjësit e policisë të DVP Durrës janë marrë në ruajtje objektet e mëposhtme:

– 18 pallate të dëmtuara dhe që nuk banon njeri.

– 3  objekte ku janë vendosur ndihmat.

– 3 hotele të dëmtuara dhe të pabanuara.

– 4 qendrat e akomodimit në hotele.

Duke ju falënderuar edhe njëherë për bashkëpunimin dhe vëmendjen, ju uroj një natë të mirë e të qetë!”

Të fundit