Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

KRYESORE

Ministria e Jashtme e Shqipërisë përshëndet vendimin për Haradinajn, reagon ashpër kundër Serbisë

Politiko 27 Prill 2017, 09:52
Ministria e Jashtme e Shqipërisë përshëndet vendimin

Ministria e Jashtme e Shqipërisë ka përshëndetur vendimin e gjykatës franceze për lirimin e ish-kryeministrit të Kosovës, Ramush Haradinaj.

Në reagimin e MPJ-së thuhet se gjykata konfirmoi dy vendimet e mëparshme të Gjykatës në Hagë, e cila e kishte shpallur Haradinajn të pafajshëm.

Tirana zyrtare ka reaguar ashpër ndaj përpjekjeve të Beogradit për ekstradimin e ish-drejtuesit të UÇK-së, duke e konsideruar si motivuar politikisht, me qëllim destabilitetin e shtetit të Kosovës. Shqipëria kërkon nga Serbia që të heqë dorë nga presioni ndaj Kosovës dhe se pavarësia e Prishtinës është një realiteti i patjetërsueshëm.

Reagimi i MPJ:

MPJ mirëpret dhe përshëndet vendimin e Gjykatës së Kolmarit, Francë, për lirimin e zotit Ramush Haradinaj, duke e çliruar atë nga të gjitha akuzat e paraqitura nga autoritetet e Serbisë. Në këtë mënyrë, gjykata franceze konfirmon vendimet e mëhershme të dy shkallëve të Gjykatës Ndërkombetare për ish-Jugosllavinë e cila e shpalli zotin Haradinaj të pafajshëm.

Ministri Bushati e përshëndeti vendimin e gjykatës franceze dhe përcolli urimet vëllazërore për të gjithë popullin e Kosovës duke u shprehur se: “Drejtësia vonon, por nuk harron! Mirë se të vish në atdhe Ramush Haradinaj!”.

MPJ e konsideron vendimin si një fitore të të vertetës dhe të drejtësisë ndaj akuzave krejt të pabaza dhe të motivuara politikisht, të cilat, që në krye të herës kane synuar të përbaltin një autoritet politik e publik, të destabilizojnë shtetin e Kosovës, dhe të barazojnë përpjekjet e popullit të Kosovës dhe të UÇK-së për liri e mëvetesi me krimet monstruoze të regjimit të Millosheviçit.

MPJ përserit qëndrimin e saj se Serbia duhet të heqë dorë nga përdorimi i urdhër-arresteve si formë presioni ndaj Kosovës.

MPJ beson se avancimi i rajonit në proceset euroatlantike ka në themel forcimin e bashkëpunimit dhe politikën e fqinjësisë së mire, për çka Shqipëria ka qënë dhe mbetet tërësisht e angazhuar.

Kosova shtet është një realitet i patjetërsueshëm. Marrëdhëniet vllazërore midis Shqipërisë dhe Kosovës, janë stabilizuese për rajonin dhe orientuese për të ardhmen tonë të përbashkët Europiane.

Të fundit