Gazetari dhe moderatori i ‘News 24’, Edvin Parruca ka publikuar disa detaje të reja lidhur me rezultatin përfundimtar të 30 qershorit, nisur edhe nga krahasimet e ditëve të fundit me zgjedhjet në Kosovë.
Teksa publikon të dhënat në rrjetet sociale, Parruca thekson se sipas këtyre listave, PS ka pësuar rënie me 200 mijë vota në raport më 2017-ën, Demokracia Sociale ka 11-fishuar rezultatin duke marrë gati 28 mijë vota, apo Aleanca Arbnore Kombëtare, me 48 like në FB, ka marrë mbi 9 mijë vota.
“Ne mes te pikellimit te pergjithshem qe shkaktoi krahasimi i zgjedhjeve ne Kosove me zgjedhjet tona, hyra njehere ne faqen e kqz-se sone, meqe neper rrjet u rishtrua pyetja ‘ore, a kane dale rezultatet perfundimtare te 30 qershorit?’. M’ate kohe u morem me pjesemarrjen, e meqe rezultati perfundimtar u vonua ca, e harruam fare. Por paska dale, e meqe nuk e kisha pare (me keq akoma, s’kisha lexuar as ndonje analize te ndonje tjetri), u cudita ca me vonese:
Si mor nuk e paskam analizuar une faktin qe PS ka pesuar nje renie me 200 mije vota nga 2017? 😱
Po qe Demokracia Sociale e paska 11-fishuar rezultatin duke marre gati 28 mije vota, me shume se Libra e Sfida bashke ne 2017? (Prit une qe te linde ndonje force alternative, e paskam pasur para syve)
Po qe Aleanca Arbnore Kombetare, me 48 like ne FB, ka marre mbi 9 mije vota?
Po Partia e Gjelber, qe nuk ishte fare ne 2017, hyn ne gare dhe merr direkt mbi 14 mije vota? (Kur Greta ende s’e kish mbajtur fjalen e saj virale)
Ndjehem shume i zhgenjyer profesionalisht me veten, nderkohe qe paska ndodhur nje revolucion politik i permasave te ketilla, une kam humbur kohe duke llaparitur ne studio jo po Rama, jo po Basha. Jo po hajde ta bejme edhe ne proporcional kombetar me lista te hapura, sic e ka Kosova. Paskan te drejte udheheqesit tane qe duan ta mbajne sistemin nen kontroll, keshtu si eshte edhe shiko sa pa kontroll votojne shqiptaret, pale t’u japesh lirine t’i zgjedhin vertet vete perfaqesuesit e tyre!
(P.S.: Ata 100 prokuroret qe angazhoi Kosova diten e zgjedhjeve, a i jep borxh?)”, shkruan gazetari.
Discussion about this post