Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

NDËRKOMBËTARE

Posta e mëngjesit/ Me 2 rreshta: Çfarë pati rëndësi dje në botë

Politiko 29 Tetor 2020, 09:27

Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Me 227 vota pro dhe pesë kundër, Parlamenti i Serbisë votoi qeverinë e re të kryeministres, Ana Bërnabiq. Qeveria e re serbe do të ketë 21 ministri dhe dy ministra pa portofol. Bërnabiq ka treguar se disa prej qëllimeve të qeverisë së re janë: ruajtja e shëndetit të qytetarëve, interesat e Serbisë në Kosovë, lufta kundër mafies, ruajtja e vendimmarrjes së pavarur të Serbisë, përshpejtimi i reformave dhe përparimi ekonomik i vendit.

■ Autoritetet e Turqisë njoftuan se do të marrin të gjitha masat diplomatike dhe ligjore si reagim ndaj karikaturës së presidentit Rexhep Erdogan në revistën satirike javore “Charlie Hebdo”. Zyrtarë të lartë turq e kanë dënuar karikaturën e publikuar nga revista e njohur, duke e cilësuar atë si përpjekje neveritëse për përhapje të racizmit kulturor dhe urrejtjes, shkruan Reuters.

■ Presidenti francez Emmanuel Macron ka njoftuar një bllokim të dytë kombëtar për të paktën gjatë gjithë nëntorit. Në një dalje publike, Macron tha se masat e reja do të hyjnë në fuqi nga e premtja, ku njerëzit do të lejohen të lëvizin nga shtëpia vetëm për punë thelbësore ose për arsye mjekësore.

■ Azerbajxhani ka akuzuar ushtrinë armene për vrasjen e të paktën 21 civilëve, ndërsa vijojnë luftimet në territorin e shkëputur të Nagorno Karabakut. Zëdhënësi presidencial i Azerbajxhanit, Hikmet Hajiyev, tha se forcat armene kishin "përdorur municione për të shkaktuar viktima midis civilëve" në Barda, në Azerbajxhanin qendror.

■ Italia ka shënuar rekord infektimesh nga covid -19 në 24 orët e fundit. Mediat vendase raportojnë se pas kryerjes së 198,952 testimeve, janë konfirmuar rreth 25 mijë raste pozitivë, shifra më e lartë e të infektuarve që prej fillimit të pandemisë.

■ Ndërsa ka mbetur më pak se një javë nga zgjedhjet presidenciale, dy kandidatët Donald Trump dhe Joe Biden kanë intesifikuar fushatën Presidenti amerikan, Donald Trump ka vijuar me tubimet e tij në tri shtete që i ka fituar më 2016 –Miçigen, Viskonsin dhe Nebraska – duke shpresuar se votuesit ende besojnë që ai është kandidati më i mirë për të luftuar për prodhimin dhe bujqësinë amerikane – dy fusha tejet me rëndësi për këto shtete.

■ Presidentja e Komisionit Evropian Ursula von der Leyen tha se vaksina anti-covid pritet të jetë gati në fund të vitit. "Në fund të vitit, ne llogarisim që do të kemi vaksinën dhe duhet të sigurohemi që ajo të jetë efektive në 70% të rasteve, duke përfshirë njerëz mbi moshën 65 vjeç", tha Ursula von der Leyen.

■ Zvicra është një tjetër shtet që po përballet me rritje alarmante të shifrave me koronavirus. Gjatë javës së fundit rastet e reja, numri i viktimave dhe shtrimet në spitale janë dyfishuar.

■ Pas Francës dhe Spanjës dhe Gjermania ka vendosur rikthimin e karantinës për të ulur numrin e të infektuarve. Vendimi u mor pas një takimi të kancelares Angela Merkel me drejtuesit e 16 landeve. “Ne nuk jemi të pafuqishëm përballë kësaj”, u shpreh Merkeli. Mbyllja e dytë erdhi për shkak të numrit tepër të lartë të të infektuarve, gati-gati i njëjtë sa në valën e parë të COVID-19.