Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

Revolta e Qafë Barit si akt disidence i shpërfillur

Politiko 24 Maj 2024, 11:56

Revolta e Qafë Barit si akt disidence i shpërfillur

Lekë Mirakaj

Rastësia e ka që, ndoshta ngjarjet qe kane lene gjurme te forta ne historinë e popullit tonë kane ndodhur ne muajin e Majit. Muaj i luleve i pranveres, shpresave, por qe disa herë eshte shoqeruar me ngjarje tragjike.

Eshte kthyer ne ritual te pervitshem, edhe ne periudhen e post-diktatures te vrasjes me tradhti ose te vetvrasjes te Qemal Stafes, nje i ri, besoj idealist, qe vdiq pa e dijtur se per se po sakrifikonte, dhe nuk mund ta dinte, se sa here do mallkohesh per kontributin qe dha, ne te ashuquajturen fitore te komunizmit perbindsh. Po me vetedije te trasheguar nga indoktrinimi komunist, harrojme se dy ngjarje te permasave historike, ne harkun kohor te aplikimit te diktatures me cnjerëzore, me anti-kombetare, me te turpeshme te historise tone, na bejne sot të ndjehemi te zhgenjyer e te turperuar para historise dhe brezavet qe do vijne.

Heshtja eshte mohim dhe mohimi eshte paradhoma e perseritjes se krimeve komuniste. Me te drejte thuhet qe popujt qe nuk luftojne, nuk e meritojne lirine. Eshte bere nje propagande e permasave te jashtezakonshme per te kriju’ idene se te ne nuk pati disidence. Nje genjeshter e madhe, e gatuar ne kuzhinen e mbeturinave te ish diktatures komuniste dhe trumbetuar nga proferuce dhe media e kapur. Do mjaftonin vetem kujtimi i dy revoltave te burgosurve politike te 23 Majit 1973 ne Spac, dhe e 22 Majit 1984 ne Qafe Bari, per te thene me bindje se ne Shqiperi, jo vetem qe ka pas nje disidence te vazhdueshme, po edhe revolta te mirëfillta politike. Eshte fakt se shkaku i dukshem i revoltave ishte dhuna çnjerezore e autoriteteve te burgut, po kjo nuk zbeh faktin që, ne ato revolta publikisht, me ze te larte, u hodhen parulla politike, ndoshta per here te pare u ndigju ajo parulle qe do behesh lejtmotiv i studenteve vite me vone, “e duem Shqipërine si gjithë Evropa”.

U mbushen 40 vjet nga dita kur te burgosurit e Qafe Barit, per disa ore e kthyen ferrin, qe kishin kriju komunistet ne nje territor te lire, ku ushtoi thirrja “poshte komunizmi!”. Ne kete dite te burgosurit i bene te vegjel kriminelet Edmond Caja, Leke Ymeri, Zylyftar Ramizi. Eshte dita ku u ngriten madherishem dhe u ngjiten ne piedestalin e pavdekesise martiret Sokol Sokoli, Tom Ndoja, Sander Sokoli e gjithë ata djem te guximshem qe e paguen me vite te gjata burgu dhe tortura heroizmin e tyre.

22 Maji i 1984 dhe 23 Maji i 1973 duhet te bejne krenarë gjithë shqiptaret pa dallim, dhe duhet te turperojne politikanet tane, qe jo vetem nuk i jane pergjigjur te vertetes historike, po per turpin e tyre, nuk kan pasur kurajon, edhe sot mbas 40 vjetesh, t’u japin vleresimin qe meritojne heronjve, qe u ngriten ne revolte. Turp dhe faj, qe edhe sot ligjerisht i konsiderojne terroriste, turp e faqja e zeze, për klasen politike, qe as sot nuk ka kurajon te demaskojne krimin komunist. Kane kalu 40 vite nga revolta e Qafe Barit, dhe 51 vite nga revolta e Spacit, dhe eshte koha, ose thene me sakte, ka kalu koha, qe heronjve te revoltave t’u ngrihet, nje monument qe do sherbente, jo vetem si akt mirënjohje per sakrificen e tyre, po do sherbente si akt frymezimi per brezat qe do vijne. Me veprime te ketilla do deshmohej se, po behet nje akt i duhur drejt pajtimit shoqeror. Heronjtë e Qafe Barit Sokol Sokoli, Tom Ndoja, Sander Sokoli na obligojne te jemi vigjilente, na kerkojne te respektojme e te vleresojme aktin e tyre heroic, dhe na kujtojne se pergjegjesit direkt te dhunes as sot nuk jane vene para pergjegjesise.

Te kujtojme e mos te harrojme!