Para, restorante dhe makina luksoze, goditet banda e shqiptarëve në Irlandë

Irlandë

Dy shqiptarë janë arrestuar ditën e djeshme nga autoritetet irlandeze, pasi merreshin me aktivitete kriminale nga të cilat fitonin shuma të mëdha parash.

Referuar burimeve policore, të arrestuarit konsideroheshin si “kokat” e një bande të fuqishme në Irlandë, ku në bashkëpunim me disa persona të tjerë, rezultojnë të jenë përfshirë në trafik droge dhe trafik të qenieve njerëzore.

Sipas “The Irish Sun”, shqiptarët i investonin të ardhurat në ngritjen e bizneseve, makina dhe restorante.

Pasi u bë i mundur arrestimi i tyre, policia sekuestroi disa makina luksoze, para dhe orë të shtrenjta.