Flash News
Nasip Naço del nga SPAK: U pyeta për çështjen ÇEZ-DIA, kam folur me letra, jo me heshtje
Shtyhet sërish seanca për Berishën, shkak mungesa e prokurorëve
Investimi në Sazan/ Rama pyetet pse nuk shpall tender kombëtar: Do shqyrtojmë aplikimin
Paraqitet në SPAK, ish-ministri dhe deputeti socialist, Nasip Naço
Posta e mëngjesit/ Me 2 rreshta: Çfarë pati rëndësi dje në Shqipëri
Paradoksi: Shqipëria merr presidencën e 2020-ës, qeveria kërkon miratimin e paketës anti-shpifje të kundërshtuar nga OSBE
Ndërsa Shqipëria ka marrë kryesimin e OSBE-së (Organizata për Siguri dhe Bashkëpunim në Europë) për vitin 2020, qeveria shqiptare insiston të miratojë në parlament një projektligj që është kundërshtuar pikërisht nga zyra e OSBE në Vjenë.
Ky paradoks është vënë re prej ditësh kur përfaqësuesi i OSBE-së për Lirinë e Medias Harlem Desir, i rekomandoi autoriteteve shqiptare të bëjnë ndryshime të tjera në projektligjin për Mediat audiovizive dhe atë për Komunikimet elektronike, të cilat janë në fazën e shqyrtimit në parlament.
Sipas Desir duhet që të qartësohen masat për mbrojtjen e lirisë së shprehjes dhe të shmanget çdo rrezik për kufizime apo sanksione të padrejta për ofruesit e mediave elektronike.
Pas prezantimit të dy projektligjeve që qeveria i propozoi Kuvendit si “Paketa Antishpifje” ka pasur reagime të shumta kundërshtuese nga shoqata vendase e të huaja dhe institucione ndërkombëtare.
Shtatë organizata ndërkombëtare të gazetarëve ju drejtuan me një thirrje parlamentit që të mos i miratojë këto projektligje.
Kujtojmë se respektimi i lirisë së shtypit dhe medias është një nga prioritetet e OSBE-së të cilën Shqipëria do ta kryesojë vitin e ardhshëm.
Mandati i OSBE-së përfshin edhe kontrollin e armëve, promovimin e të drejtave njerëzore dhe zgjedhjet e ndershme.
Këto projektligje është parashikuar të kalojnë në seancën plenare për miratim më 19 dhjetor.