Flash News

Ultimatumi i Ramës: Të hënën, të gjithë kryetarët e njësive administrative të jenë të shkarkuar

Zjarret në vend, 4 vatra zjarri ende aktive, si paraqitet situata

Rama shënjestron sërish prokuroren Shkodrës: Gjeli hartoi ese filozofike me pafajësinë e ndërtimit pa leje

I shpallur në kërkim për vjedhje, arrestohet 26-vjeçari në Durrës

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

KRYESORE

‘Përplasjet’ e Ramës me të gjithë kryeministrat e Kosovës, raporte të mira vetëm me Thaçin

Politiko 13 Nëntor 2019, 09:13

Debatet me liderët e Kosovës nuk kanë qenë të rralla për kryeministrin Edi Rama.

Madje, pavarësisht deklaratave për projekte të përbashkëta e me përfitime të ndërsjella, Rama nuk ka kursyer as kritikat dhe përplasjet me drejtuesit politikë, konkretisht kryeministrat dhe ish kryeministrat e vendit.

Në deklaratën e fundit,kryeministri Edi Rama nuk i ka kursyer kritikat ndaj kreut të lëvizjes Vetëvendosja, Albin Kurti, kryeministri i ardhshëm i Kosovës.

Në një intervistë për Top Channel, teksa ka komentuar Mini Shengenin Ballkanik dhe qëndrimin e Kurtit për këtë çështje, i cili kërkon fillimisht hapjen e kufijve me Shqipëri-Kosovë dhe pastaj më gjerë, Rama ka thënë se ky proces bëhet me marrëveshjen e të gjitha palëve.

“S’është i shtrembër, por do drejtohet kur Albin Kurti të bëhet kryeministër me orë të plota. Nga njëra anë kufiri nuk hiqet përveçse me këtë mënyrë, në marrëveshje me të tjerët. Si heq kufirin ti nëse Serbia nuk është dakord?  Apo do hapë luftë dhe kush Shtetet e Bashkuara, Bashkimi Evropian apo Kuba do japë pëlqimin për heqjen e kufirit pa marrëveshje me gjithë të tjerët?  Le të hapë letrat Albini dhe të shikojë protokollet, dosjet.

Ta shikojë nga dosja e Bashkimit Doganor që Shqipëria e miratoi. Nën drejtimin e Ahmetajt është bërë punë me palën kosovare. Në momentin e fundit Kosova tha jo. Në qeverinë e Isa Mustafës erdhi Haradinaj në Tiranë e tha këtë do ta bëjmë të parën e pastaj tha dëgjo se ashtu është puna, do shohim më vonë”, tha Rama gjatë intervistës.

Mini-Shengeni Ballkanik, konflikt me ish kryeministrin Isa Mustafën

Javës që kaloi Kosova refuzoi të marrë pjesë në Samitin e Ohrit lidhur me Mini-Shengenin Ballkanik, ku merrnin pjesë Serbia, Shqiëpria dhe Maqedonia e Veriut.

Fillimisht, ishte presidenti i Kosovës, Hashim Thaçi se Kosova ka refuzuar pjesëmarrjen për disa arsye:

“Së pari, Kosova, qëllimshëm ishte anashkaluar nga Serbia në Samitin e Parë të kësaj iniciative të re rajonale. Së dyti, vizioni i vetëm i Kosovës mbetet anëtarësimi në BE dhe NATO. Prandaj, ne nuk duam që në asnjë rrethanë ta zëvendësojmë perspektivën tonë euroatlantike me çfarëdo iniciative rajonale. Dhe, së treti, kjo iniciativë rajonale është e pakuptimtë për aq kohë sa Serbia dhe Bosnja dhe Hercegovina nuk e njohin pavarësinë e Kosovës”.

Ndërsa lideri i lidhjes demokratike të Kosovës, ish kryeministri Isa Mustafa kritikoi Kryeministrin Edi Rama për pjesëmarrje në një projekt që siç theksoi ai, është gatuar në kuzhinën e ish-Jugosllavisë.

“Janë këto manovrime të Serbisë për të bishtëruar detyrimet ndaj Bashkimit Evropian për normalizim të marrëdhënieve me Kosovën dhe për njohje të pavarësisë së Kosovës. Ndoshta kryeministri i Shqipërisë dhe ai i Maqedonisë Veriore e kanë të qartë se ku janë interesat e vendeve të tyre por Kosova asesi”, thuhej në reagimin e Mustafës.

Më tej, Rama iu përgjigj se me “Shengenin Ballkanik” nuk ka asnjë ide për krijimin e Shqipërisë së Madhe apo Jugosllavisë së re.

“Të flasësh për këtë proces, ta ma thuash mua që kam punuar me Jugosllavinë, më duket e tepër dhe jo fortë elegante le të themi. Ashtu si kundër çfarë është Shengeni Ballkanik? Ai është refuzuar në mënyrë konstante nga dy faktorë, nga BE dhe Serbia. Pasi kjo e fundit e ka parë si kërcënim të shqiptarëve për arsye të kufirit. Sot kur Serbia lëshon pe. Kam dëgjuar nga Albin Kurti që do të jetë në tryeza. Por, unë nuk mund të bëj më të “madhin” dhe t’i bind. Janë ata vetë që vendosin. Kam shumë respekt për liderët e Kosovës”, deklaroi Edi Rama, kryeministër i Shqipërisë.

Në gjyq me Haradinajn   

Me kryeministrin në ikje, Ramush Haradinaj Rama ka patur konflikt të vazhdueshëm. Madje, së fundmi  Rama e paralajmëroi në emisionin ‘Opinion’ se do ta hidhte në gjyq, pasi Haradinaj kishte deklaruar pak ditë më parë se ka ndaluar skenarin e ndarjes së kufijve të Kosovës nga treshja Thaçi-Vuçiç-Rama.

Haradinaj theksonte se ata planifikonin të ndanin 10 miliardë euro nëpërmjet ndarjes territoriale të Kosovës, ndërsa i përfshirë sipas tij është edhe ministri në Detyrë, Gent Cakaj.

Ndërkohë, deri tani raportet mira ka mbajtur vetëm me Hashim Thaçin, aktualisht president dhe ish kryeministër i Kosovës. Ky i fundit ka shprehur idenë e korrigjimit të kufijve mes Kosovës dhe Serbisë.

Të fundit