Pezullohet drejtori i burgut 313, favorizoi Emilijano Shullazin

Drejtori i burgut 313, Maksim Hamitaj, është pezulluar nga detyra. Urdhri u dha nga Drejtori i Përgjithshëm i  Burgjeve, Agim Ismaili dhe erdhi pasi dyshohet se Hamitaj kishte kryer disa shkelje. Ai i ksihte mundësuar Shullazit që të kryente takime shtesë me anëtarët e bandës.

Hamitaj u zëvendësua nga Qazim Hoxha, i cili deri tani ka qenë drejtori i Burgut të Durrësit.

Ndërkohë është çelur gara për rekrutimin e kandidatëve të rinj në kuadër të reformës së thellë në burgje e cila po transformon dita ditës të gjithë sistemin penitenciar.

Ministrja Gjonaj paralajmëroi se të gjithë drejtuesit e burgjeve do të kalojnë në një “sitë” të imtësishme kontrolli.  Vëmendja është rritur së tepërmi dhe sistemi i burgjeve në vend është kthyer një nga prioritetet kryesore të Ministrisë së Drejtësisë.