Fansat e huaj bëhen bashkë, kanë një kërkesë të përbashkët: Rikthimin e #ArDam në një projekt të ri

Momentalisht, një nga temat më të diskutuara në mediat sociale dhe veçanërisht në Twitter është rikthimi i dy aktorëve protagonistë të "Çukur" - një nga serialet më të suksesshme turke, që ka marrë vëmendje të madhe në të gjithë botën dhe është shitur në dhjetëra shtete.

Në Turqi, seriali përfundoi të hënën, ndërsa në shtetet e tjera ende vazhdon transmetimi. Mirëpo, fansat janë zhgënjyer shumë me fundin dhe prej katër ditësh kanë shprehur zhgënjimin e tyre dhe kanë përkrahur aktorët.

Çifti protagonist i serialit Aras Bulut Iynemli dhe Tilya Damla Sönmez kanë rrëmbyer zemrat e fansave me kiminë e tyre dhe që në fillim, fansat kanë kërkuar nga kompanitë prodhuese të filmave t`i rikthejnë sëbashku në një projekt të ri. Kërkesa nga fansat është më shumë për projekte të rëndësishme që transmetohen në platforma digjitale apo dhe në Netflix.

Kimia dhe performanca e aktrimit të të dy aktorëve, është krahasuar me ata të filmave të Hollywood-it dhe në fakt jo pa shkak. Dyshja janë ndër aktorët më të mirë në Turqi dhe të njohur edhe jashtë Turqisë, me projektet e tyre kinematografike.

Kujtojmë se gjatë karantinës filmi "Miracle in Cell No. 7" i cili u transmetua dhe në Netflix, u bë një nga filmat më të ndjekur në këtë platformë. Aktrimi i jashtëzakonshëm i Aras Bulut İynemli rrëmbeu zemrën e të huajve kudo në mbarë botën dhe ky projekt ndikoi shumë në rritjen e popullaritetit të aktorit.

Ndërkohë, nga ana tjetër, Damla Sönmez ka marrë pjesë në shumë projekte - përfshirë dhe të huaja - dhe së fundmi, filmi "Sibel" i dha Damla-s një popullaritet të madh jashtë Turqisë, film i cili është transmetuar në shumë kinema botërore.

"ArDamTekrar PartnerOlsun" (ArDam të bëhen përsëri partnerë) është trend tani për momentin me më shumë se 30 mijë tweet-e.

Kush janë Aras Bulut İynemli dhe Damla Sönmez?

DAMLA SÖNMEZ

Damla Sönmez ka lindur në Stamboll, në Turqi dhe përveç gjuhës turke flet rrjedhshëm anglisht dhe frengjisht. Kinemaja ka qenë pasioni i saj që kur ishte që fëmijë. Damla është një aktore që është dalluar dhe ndërkombëtarisht dhe ka fituar shumë çmime të rëndësishme jashtë Turqisë. Sönmez është trajnuar në qytete në gjithë Europën. Pasi mbaroi shkollën e mesme franceze "Saint Joseph" në Stamboll, ajo u pranua në departamentin e Universitetit të La Sorbonne Nouvelle Paris III  të Teatrit. Ajo studioi për një vit në Paris përpara se të merrte një bursë në Departamentin e Teatrit të Arteve të Bukura të Universitetit Yeditepe në Stamboll. Ajo gjithashtu ndoqi një  "workshop" të aktrimit të Jillian O'Dowd në "London Dramatic School of Arts". Damla i zgjedh me kujdes projektet në të cilat merr pjesë dhe nuk i thotë "po" çdo lloj oferte, pasi studion mirë personazhin që i propozohet.

Në këtë link mund të lexoni më shumë lidhur me karrirën e Damla-s dhe çmimet ndërkomnëtare që ka marrë: Damla Sönmez.

ARAS BULUT İYNEMLI

Aras Bulut Iynemli ka lindur në Stamboll, në Turqi. Iynemli ka fituar çmime të shumta për aktrimin e tij që nga fillimi i karrierës. Ai u bë akoma më shumë i njohur për botën me rolin e tij në filmin "Miracle in Cell No. 7" që ka thyer rekorde shikueshmërie. Përveç karrierës së tij në aktrim, Iynemli është shfaqur në shumë filma reklamues dhe është fytyra e markave të shumta. Aras ka marrë shumë çmime për rolet e tij, listën e plotë të të cilave mund ta shikoni në këtë link: Aras Bulut Iynemli.

Fansat duan shumë t`i shohin sërish bashkë në një projekt tjetër dhe kjo është kërkesa që kanë ndaj producentëve dhe kompanive prodhuese të filmave dhe serialeve.

Më poshtë keni disa nga postimet e shumta që kanë bërë fansat e #ArDam në Twitter dhe që ende po vazhdon:

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm