Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

“Urdhëroi arrestimin tim për këngën e Adem Jasharit”, këngëtari shqiptar akuza Dukagjin Lipës

Politiko 7 Gusht 2022, 16:00

“Urdhëroi arrestimin tim për këngën e Adem

Këngëtari Shemsi Krasniqi, solisti i grupit “Ilirët”, ka hedhur akuza ndaj Dukagjin Lipës se ky i fundit ka urdhëruar arrestimin e tij për shkak se kishte kërkuar të ngjitej në skenën e “Sunny Hill” për të kënduar këngën e Adem Jasharit.

Në një postim në Facebook, Krasniqi shkruan se një polic me urdhër të Dukagjin Lipës e ka arrestuar duke mos e lejuar të ngjitet në skenë.

“Të dashur qytetarë. Sot më ka ndodh diçka që kurrë në jetë se kisha prit. U nisa në Gërmi në “Sunny Hill” si pjesëmarrës, pa një, pa dy, një polic zyrtar me emrin Shkëlzen Xhafa urdhëroi të më prangosin pa e bërë një të keqe dhe asnjë polic tjetër nuk donte ta bëjë këtë.

Ky matrapaz edhe i dënoi disa policë pse nuk i përfillën urdhrat e tij, ky torollak qartë është paguar nga Dukagjin Lipa të më sjellë në këtë gjendje, se unë jam përçarë me Dugin se i jam betuar në dy fëmijët e mi, se kam me dalë për të kënduar këngën e Adem Jasharit e ai është betuar në tre fëmijët e tij, se nuk ka për të më lejuar. Nesër unë kam për të dalë për ta kënduar atë këngë, le të marrë sa të dojë para Shkëlzen Xhafa, po unë kam me dalë.

Shihemi në “Sunny Hill”, Shemi, Ilirët, Xhamadanin dhe Adem Jasharin… kënga e legjendarit është hiti më i madh për momentin. Vetëm Dukagjin Lipës i pengon”, shkruan Shemsi Krasniqi.

Nga ana tjetër, Policia e Kosovës përmes një reagimi ka sqaruar ngjarjen. Sipas policisë, Krasniqi është arrestuar pasi do të ngjitej në skenë pa autorizimin.

“Gjatë zhvillimit të Festivalit Sunny Hill, i cili po mbahet në parkun e Gërmisë, më 06.08.2022 rreth orës 16:50, te bina ku përformojnë artistët, është ndaluar: Sh.K., (viti i lindjes 1955, mashkull kosovar), i cili pa autorizim kishte hipur në binë. Zyrtarë policorë që janë të angazhuar në ofrim të sigurisë gjatë zhvillimit të festivalit, kanë kërkuar që personi në fjalë të largohej nga aty. Ai nuk ka respektuar urdhrin e personit zyrtar dhe me këtë rast është shoqëruar në stacionin policor. Policia për rastin ka njoftuar prokurorin kujdestar dhe me udhëzim nga i njëjti, i shqiptohet fletë-paraqitje për mosrespektim të urdhrave të personit zyrtar. Policia e Kosovës mbetet e përkushtuar në respektimin e ligjit dhe ruajtjes së rendit dhe qetësisë publike”, thuhet në njoftimin e policisë.