Flash News
Atentat në Memaliaj, qëllohet me breshëri arme avokati
Posta e mëngjesit/ Me 2 rreshta: Çfarë pati rëndësi dje në Shqipëri
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Posta e mëngjesit/ Me 2 rreshta: Çfarë pati rëndësi dje në Shqipëri
Mirëmëngjes!
“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]
■ Sekuestrohet hotel ‘Vollga’ në Durrës, pronë e Emiljano Shullazit. Masa u ekzekutua nga Agjencia e Administrimit të Pasurive të Sekuestruara, pas hetimeve nga SPAK dhe u vendos nga Gjykata Antikorrupsion.
E lidhur: Historiku i hotel ‘Vollgës’ dhe si përfundoi në duart e Emiljano Shullazit.
■ Pranon Ministrja e Shëndetësisë, Ogerta Manastirliu: Burimet njerëzore në sistemin tonë shëndetësor janë të limituara, teksa njoftoi se nga dje 50 infermierë të rinj u bëhen pjesë e ekipeve mjekësore për përballimin e situatës së shkaktuar si pasojë e COVID-19.
E lidhur: OKB jep alarmin: Sistemi shëndetësor shqiptar mund të tejngarkohet nga Covid-19, vdekjet e parandalueshme mund t’ua kalojnë atyre nga pandemia.
- Me vetëm një humbje jete në 24 orët e fundit, ulet numri i viktimave nga COVID-19, Ministria e Shëndetësisë: 135 raste të reja, 113 vetëm në Tiranë!
- Mali i Zi ka dalë me vendim të ri. Rendit Shqipërinë e Kosovën në listën “e verdhë”, që do të thotë se qytetarët duhen të kenë dy teste për të kaluar kufirin.
- Një studim sugjeron që ftohja e zakonshme mund të përgatisë trupin e një personi për të luftuar COVID-19, një zbulim që ndihmon të shpjegohet arsyeja përse njerëzit kanë përgjigje kaq të ndryshme ndaj koronavirusit dhe mund të japin të dhëna për ta luftuar atë.
■ Detaje nga krimi horror në Pogradec: Autori tentoi të vriste të bijën adoleshente për një telefon, gjyshja ndërhyri që ta mbronte.
- Banorët bëjnë përgjegjës autoritetet: Krimi u paralajmërua, nëna kishte denoncuar disa herë djalin në polici.
■ Avokati i Ylli Ndroqit ka ankimuar vendimin e SPAK për sekuestrimin e pasurive. Ai tha se ka dorëzuar në gjykatë prova për burimet e pasurive të Ndroqit, duke shtuar se “Është lehtësisht e verifikueshme si nga sistemi TIMS, si nga vendimi që është bërë publik dje, që Z. Ndroqi nuk ka qenë kurrë i arrestuar në shtetin italian”.
■ Një aksident i rëndë ka ndodhur në Memaliaj, ku një mjet ka përplasur për vdekje një 23-vjeçar, i identifikuar si Eduard Caushi. I riu po udhëtonte në këmbë në afërsi të fshatit Toç, ndërsa është përplasur nga 65-vjeçari me iniciale K.M. Një dëshmitar rasti tregon për Politiko.al detaje nga ngjarja e rëndë.
■ Ministri i Brendshëm Sandër Lleshaj ka publikuar një raport krahasimor të 7 mujorit të parë të 2019 me atë të 2020, duke u lëvduar me arritjet e dikasterit që drejton për uljen e kurbës së aksidenteve këtë vit. Krahasimit të tij të pavënd i janë përgjigjur ashpër ndjekësit ku i thonë
■ Këshilli Shqiptar i Medias ka reaguar ndaj sulmit të gazetares Sonila Meço nga Frrok Çupi. Përmes një njoftimi në faqen zyrtare,KSHM shprehet i shqetësuar për sulmet ndaj gazetarëve nga kolegët e tyre, me qëllim denigrimi.
■ Ish deputeti demokrat Bardh Spahia ka denoncuar projektin abuzues të ministrit të Bujqësisë, Bledi Çuçi, i cili ka bërë një projekt për të rregulluar tarracën e ministrisë me ambiente luksoze ndërsa vendi ndodhet në pandemi.
■ “Më shumë kujdes për shëndetin e popullit”, ky është apeli që vjen nga Imzot George Frendo ndaj shtetit për situatën e krijuar nga koronavirusi në vend. Monsinjor Frendo vë në dukje neglizhencën e krijuar ndaj pandemisë.