Shkrimtari dhe analisti Preç Zogaj do të drejtojë nga sot institutin “Pashko”. Është vetë Zogaj që konfirmon marrjen e detyrës së re në institutin që mbulon veprimtaritë e gazetës “Liberale”, shtëpisë botuese “UET Press” dhe çmimin letrar vjetor “Kadare”.
Për këtë arsye, Zogaj ka ndërperë bashkëpunimin shumëvjeçar me gazetën ‘Panorama’ pasi shkrimet e tij do të publikohen tashmë në gazetën e re, ‘Liberale’.
Njoftimi i Preç Zogajt:
Të dashur miq,
Nesër del në treg numri i parë i gazetës së re të përditshme “Gazeta Liberale”, botim i Institutit “Gramos Pashko”, pranë Universitetit Europian të Tiranës.
“Gazeta LIberale”, shtëpia botuese “UET Press”, çmimi letrar vjetor “Kadare” në proze dhe Zyra e Projekteve Studimore janë një tërësi veprimtarish që mbulohen nga Instituti “Pashko”, të cilin unë do kem nderin ta përfaqësoj në rolin e kryetarit të bordit drejtues duke filluar nga dita e sotme .
Për këtë arsye, me keqardhje me duhet të ndërpres bashkepunimin tim shumëvjeçar me një gazetë të madhe e të respektuar siç është “Panorama”, duke i uruar asaj suksese në sfidat me të cilat përballet sot media e shkruar. Duke filluar nga nesër shkrimet e mia publicistike do të mund t’i gjeni në Gazetën Liberale, zakonisht çdo të shtunë.
Gazetat Liberale ka nisur që sot daljen online në adresën “gazetaliberale.al”
Mirë u takofshiim në faqet e saj.
Discussion about this post