Flash News
Paraqitet në SPAK, ish-ministri dhe deputeti socialist, Nasip Naço
Posta e mëngjesit/ Me 2 rreshta: Çfarë pati rëndësi dje në Shqipëri
E rëndë në Krujë/ 42 vjeçarja futi në qese dhe hodhi në lumë foshnjën e porsalindur në shtëpi
Presidenti Begaj dekreton ligjin për zonat e mbrojtura
Mbytet në ujin e shatërvanit një i mitur afgan në Shëngjin
Putin: Rusia do të regjistrojë vaksinën e dytë anti-COVID së shpejti
Presidenti rus, Vladimir Putin, ka thënë këtë mërkurë se vendi do të regjistrojë vaksinën e tij të dytë COVID-19 shumë shpejt.
"Meqë ra fjala, vaksina e dytë kundër koronavirusit do të regjistrohet së shpejti," raportoi Sputnik duke cituar Putin ndërsa fliste me ligjvënësit rusë të Dhomës së Epërme.
Të martën, mbikëqyrësi kombëtar i shëndetit të konsumatorit tha se një vaksinë tjetër - e zhvilluar nga qendra kërkimore “Vektor” dhe e emëruar si “EpiVacCorona” do të regjistrohej deri më 15 tetor.
Putini gjithashtu përgëzoi aftësinë e vendit për të kundërshtuar virusin vdekjeprurës, duke shtuar se sistemi i kujdesit shëndetësor ‘tashmë është i gatshëm për të luftuar me efikasitet` COVID-19.
"Gjatë pandemisë, ne kemi marrë parasysh vlerën e çdo jete njerëzore, vlerën e përpjekjes heroike të punonjësve të kujdesit shëndetësor dhe natyrisht, rolin e madh që luan efikasiteti i sistemit të kujdesit shëndetësor për shoqërinë dhe vendin. Gjatë muajve të fundit , aftësitë e këtij virusi janë rritur ndjeshëm. Sistemi i kujdesit shëndetësor është tani i gatshëm për të luftuar në mënyrë efikase infeksionin e koronavirusit dhe valën sezonale të sëmundjeve të lidhura me të ftohtin", shtoi Putin.
Rusia u bë vendi i parë muajin e kaluar që regjistroi zyrtarisht "Sputnik V". Më 15 gusht, Ministria Ruse e Shëndetësisë njoftoi fillimin e prodhimit të vaksinave. Theksojmë se, autoriteti shëndetësor rus i dha dritën jeshile përdorimit të vaksinës tek pacientët me COVID në gjendje të rëndë para se të përfundonin provat në shkallë të gjerë të Fazës III.
Shumë shkencëtarë dhe mjekë kanë ngritur shqetësime në lidhje me efikasitetin, sigurinë e vaksinës COVID-19. Sputnik V, një vaksinë e bazuar në vektorë adenovirus, u zhvillua nga Instituti i Kërkimit Shkencor Gamaleya i Epidemiologjisë dhe Mikrobiologjisë së bashku me Fondin Rus të Investimeve Direkte.
Sipas të dhënave më të fundit nga Universiteti Johns Hopkins, Rusia është vendi i katërt në listë për numrin më të lartë të të infektuarve nga COVID-19 në botë, pas SHBA, Indi dhe Brazil - me 1,117,487 raste dhe 19,720 vdekje për shkak të koronavirusit.