Një ditë pas Konferencës së Donatorëve, kryeministri Edi Rama ka inspektuar punimet në pallatet e goditura nga tërmeti i 26 nëntorit në Durrës, në zonën e plazhit.
Gjatë inspektimit, administratori i një pallati në rikonstruksion iu ankua Ramës se nuk ka fuqi punëtore. Kryeministri iu përgjigj se ndonëse tingëllon absurde, duhet të merret fuqi punëtore nga jashtë.
Pjesë nga diskutimi:
Administratori: Nuk kemi fuqi punëtorie
Rama: Ky është problemi kryesor e ka e gjithë Shqipëria, duam punë, duam punë… Kur vjen puna për punë të gjithë duan punë shteti, megjithatë e kemi kaluar ligjin për ta lehtësuar maksimalisht sjelljen e fuqisë punëtore nga jashtë sado absurde të duket, por ky është fakti, është edhe në Rajon.
Administratori: Kam kontaktuar cdo firmë dhe të gjithë ankohen dhe kanë mungesa.
Rama: Prandaj kaluam ligjin që për rindërtimin të mos kemi probleme. Duhet të bëjmë diçka me punëtorët e bashkisë të ndërmarrjeve dhe atashojini me kompanitë dhe konsiderojini dypunësim dhe të marrin dyfishin e pagës, s’ka problem.
