Rama zbardh takimin me Clinton në Paris: Kosova sot mbahet peng nga miqtë që e çliruan

Kryeministri Edi Rama ka zbardhur bisedën me ish presidentin e SHBA, Bill Clinton, gjatë takimit në homazhet e zhvilluara në Paris për nder të ish presidentit të ndjerë Zhak Shirak.

Gjatë fjalës së tij në konferencën ‘Gjithçka për drejtësinë’, ku morën pjesë ministrat e drejtësisë së 6 vendeve të Ballkanit Perëndimor, Rama tha se Clinton ka ndarë idenë se në Rajon ne kemi të vetmin vend ku mund të shihet politika e jashtëm e SHBA në ditën e saj më të mirë, ku u nis me bombardim por tani ka kaluar në bashkëpunim rajonal, referuar luftës në Kosovë.

“U takova me Clinton në Paris, patëm bisedë të këndshme. Ndava me të idenë time që në këtë rajon ne kemi të vetmin vend ku mund të shihet politika e jashtëm e SHBA në ditën e saj më të mirë, ku u nis me bombardim por tani ka kaluar në bashkëpunim rajonal. Në vendet e tjera nuk sollën paqe e stabilitet, apo bashkëpunim rajonal. Objektivi ishte i njëjtë. Forcat që bombarduan ishin të njëjta, po pse ky dallim? Çfarë e dallon këtë rajon nga zona të tjera të botës, apo qëndrimin e një të riu në Tiranë, Prishtinë, Beograd, Shkup nga një tjetër në Mosul?

Besoj që ndër të tjera ka të bëjë me faktin që për një i ri në këtë rajon, perëndimi është në prag të derës dhe për shqiptarët, meqë janë tejet optimist për Europën, 90% janë shifroi, e rrisin edhe % e mesatares së rajonit, pjesa tjetër është më e ulët. Nuk e përmenda edhe Kosovën se po ndodh dicka, kjo mbështetje është duke u ulur dhe do vazhdojë të ulet se Kosova trajtohet në mënyrë të padrejtë, i është vënë vetoja për liberalizimin e  vizave.

2 mln persona gjatë diktaturës kishin mundësi të lëviznin lirshme, me Milloshevic mund të lëviznin, ndërsa më miqtë që i çliruan nuk munden. Këta miq që prej 2014  100 mln njerëz lëvizin në Ukrahinë, kurse 2 mln të tjerë mbahen peng, kështu që cfarë mund të bëhet.

Të shpresojmë që shpirtrat e Xheferson, De Gol, Ruzvelt të sjellin më shumë energji të liderëve që janë sot gjallë”, tha Rama.