Rreth një orë në zyrën e prefektit, Lleshaj tregon arsyen e vizitës në Shkodër

Pas takimit që zgjati mbi një orë në zyrën e prefektit të Shkodrës, Valdrin Pjetri, ministri i Brendshëm, Sandër Lleshaj ka dhënë një prononcim të shkurtër për mediat, duke treguar arsyen e vizitës.

“Ishte një takim siç e kemi thënë për t’i dhënë Shkodrës dhe qytetarëve të saj sigurinë maksimale të kërkuar”, tha Lleshaj.

Vrasjet mafioze, të ngjashme me njëra-tjetrën nuk kanë qenë raste të izoluara në qarkun e Shkodrës.  Brenda pak muajsh janë shënuar disa viktima, por nuk është arrestuar asnjë person si përgjegjës.