Sekuestrohet një ‘Ferrari’ dhe një ‘Rang Rover’ në Durrës, ishin të vjedhura jashtë vendit

Policia e Durrësit njofton se ka sekuestruar dy makina luksoze të cilat rezultojnë të vjedhura jashtë vendit.

Sipas njoftimit të policisë, është sekuestruar një mjet tip “Ferrari” i vjedhur në Itali si dhe një “Rang Rover” i vjedhur jashtë vendit.

Njoftimet e policisë:

Më datë 13. 09. 2018, u referuan materialet në Prokurorinë pranë Gjykatës së Shkallës së Parë Durrës, për shtetasin M. H., vjeç 30, banues në Durrës, pasi nga kontrolli që iu bë mjetit tip “Ferrari” rezultoi i vjedhur në Itali.

Më datë 13. 09. 2018, u referuan materialet në Prokurorinë pranë Gjykatës së Shkallës së Parë Durrës, për shtetasin B. M., vjeç 38, banues në Kosovë, pasi më datë 12. 09. 2018, në PKK Port, nga kontrolli që iu bë, mjetit tip “Range Rover” rezultoi i vjedhur jashtë shtetit, i cili u bllokua.