Sot njoftoi dorëheqjen nga posti zëvendësministrit, çfarë shkruante një ditë më parë në Facebook Taulant Muka

Dy javë pas emërimit në detyrë, Taulant Muka njoftoi dorëheqjen nga posti i zëvendësministrit të Arsimit. Dorëheqja e tij ishte e papritur ndërkohë që në një letër dërguar kryeministrit Edi Rama, Muka bënte të ditura edhe arsye e këtij vendimi.

“Për arsye etike, morale dhe profesionale, dhe të papajtueshmërisë që unë kam me modelin e punës të aplikuar në Ministrinë e Arsimit, Sportit dhe Rinisë, ju paraqes dorëheqjen time të parevokueshme”, thuhej në letrën që Muka i ka dërguar Ramës.

Ndërkohë, postimi që Taulant Muka ka shpërndarë mesditën e djeshme në rrjetin social Facebook lë të kuptohet që vendimi për t’u dorëhequr është marrë ditën e sotme.

Kjo pasi në postimin në fjalë, Muka shprehej se së basku me një grup të Ministrisë së Arsimit do të bënte rankimin e akademikëve shqiptarë sipas produktit shkencor për të evidentuar shkencëtarët shqiptarë qe jetojnë në Shqipëri.