Partizani zhgënjeu sërish, ndërsa barazoi me Bylisin në “Selman Stermasi” në takimin javës së pestë të Kategorisë Superiore. Ballshiotët befasuan “të kuqtë” në fund, duke u marrë një pikë me vlerë në kryeqytet.
Sfida nisi me lëkundjet e frikshme në stadium, që shkaktuan jo pak panik te tifozët.
Kampionët në fuqi nuk arritën të bëjnë diferencën, pasi sfida ishte e balancuar.
Ballshiotët u mbrojtën mirë, nuk lanë hapësira, ndërsa rrezikuan me kundërsulme.
Në minutën e 73, Partizani kaloi në avantazh. Trashi hodhi topin në zonë dhe Peposhi e devijoi topin në rrjetë në portën e tij.
Por Bylisi nuk u dorëzua dhe Ntephe i harruar nga mbrojtja e të kuqve shënoi golin e barazimit në minutat shtesë.
Ndërsa Skënderbeu, pas dy humbjeve radhazi u rikthye te suksesi, duke fituar minimalisht ndaj Teutës në Korçë. Goli i fitores u realizua nga Krasniqi në pjesën e parë të takimit. Fitorja bën që bardhekuqtë të parakalojnë durrsakët në renditje.
Financuar Nga Bashkimi Europian
