Trieste/ Dy të rinj i rrëmbejnë armën policit dhe vrasin dy efektivë brenda komisariatit

Dy të rinj të arrestuar për vjedhje motorësh kanë shkaktuar një tragjedi të vërtetë në një komisariat të Triestes, në Itali, duke u marrë jetën dy policëve.

Një polic i pranishëm në momentin e ngjarjes rrëfen se dy djemtë ishin lënë pa pranga, ndërkohë që atmosfera dukej e qetë, pasi ata qeshnin dhe flisnin për basketbollin. Por kur vëmendja ndaj tyre ka rënë, njëri nga të rinjtë i ka rrëmbyer armën një prej policëve dhe ka nisur të qëllojë në mënyrë të pakontrolluar nëpër komisariat.

Për pasojë kanë mbetur të vdekur dy efektivë policie, Pierluigi Rotta, 34 vjeç i forcave të policisë speciale dhe Matteo De Menego 30 vjeç punonjës i thjeshtë policie.

Një polic ka shpërndarë pak më parë një video në WhatsApp, ku u ka njoftuar kolegëve të tij ngjarjen e rëndë:

“Sapo fola tani me kolegët. Dy efektivë vdiqën. Nuk ishin me shume se 30 vjec. Ne të gjithë i njohim, ky eshte lajmi i fundit, nuk e di, oh”.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm