Fermerët e Lushnjes janë ngritur sërish në protestë, për mos subvencionimin e TVSH-së nga ana e qeverisë.
Ata kanë bllokuar aksin rrugor Lushnje- Fier, duke derdhur në mes të autostradës prodhimet e tyre në shenjë proteste, ndërsa akuzojnë qeverinë për falimentimin e tyre.
Në vendngjarje kanë mbërritur edhe forca të shumta policore, të cilët kanë tentuar të largojnë protestuesit e shumtë nga rruga.
“Kërkojmë uljen e TVSH për qumështin. Kemi marrë kredi ndërsa prodhimet detyrohemi t’i hedhim në plehra”, shprehen fermerët në protestë, pasi u ndryshua rimbursimi i TVSH për agro-përpunuesit.
Prej disa ditësh grumbulluesit e qumështit kanë bojkotuar mbledhjen duke çuar në falimentim fermerët, ndërkohë që në protestë janë bashkuar edhe fermerët e produkteve të tjera të Lushnjes dhe zonave përreth.
Financuar Nga Bashkimi Europian
