Voltana Ademi dorëzon në Prokurori padinë për 30 Qershorin

Kryetarja e Bashkisë në Shkodër, Voltana Ademi njofton në rrjetet sociale se ka depozituar në Prokurori kallëzimin penal për votimet e 30 qershorit.

Sipas Ademit, kjo bëhet për të vërtetuar akuzat e opozitës mbi zgjedhjet e njëanshme vendore për të cilat shtoi se janë marrë letërnjoftimet e qytetarëve pa dijeninë e tyre për të votuar.

“ Si zgjedhëse dhe kryetare e Bashkisë së Shkodrës, kam depozituar sot në Prokurorinë e Shkodrës kallëzimin penal për krimet elektorale të kryera të votimet e 30 qershorit.

Ashtu siç kam paralajmëruar edhe më herët, kam paraqitur të gjitha provat që vërtetojnë shkeljet e ligjit në një proces që nuk kishte asgjë të përbashkët me zgjedhjet.” -shkruan Ademi.

Krebashkiakja e Shkodrës apelon Prokurorinë të bëjë detyrën dhe të hetojë pa iu nënshtruar asnjë presioni politik.

“Para mediave, i kam bërë thirrje prokurorisë të bëjë detyrën dhe të hetojë pa iu nënshtruar asnjë presioni politik dhe çfarëdo lloj tjetër dhe të zbatojë vetëm ligjin. Po ashtu, kam nënvizuar se qytetarët e Shkodrës dhe gjithë shqiptarët e meritojnë të mësojnë të vertetën dhe të shohin drejtësinë të bëhet realitet.” -përfundoi Ademi.