Zjarri në Shëngjin dyshohet të jetë i qëllimshëm, ndalohen 4 persona

Dyshohet se zjarri në malin e Shëngjinit është vënë në mënyrë të qëllimshme.

Këtë fakt e ka bërë me dije policia e cila po heton për situatën shqetësuese në qytetin verior, dhe ndërkohë ka shoqëruar 4 persona.

Ata janë të dyshuar për zjarrvënie të qellimshme, por nuk ka ende të dhëna për identitetin e tyre.

Sot në mëngjes u njoftua se zjarri është vënë nën kontroll, edhe falë reshjeve të shiut që kanë rënë gjatë natës.