Policia Rrugore ka shtuar së tepërmi masat si edhe penalizimet ndaj të gjithë atyre drejtuesve të mjeteve të cilët përbëjnë rrezik në rrugët e vendit në javët e fundit. Edhe pse numri i aksidenteve është ulur, problem i madh ngelet fakti që janë shtuar viktimat.
Dy janë rrugët me rrezikshmëri të lartë në vend që të lidhin me kryeqytetin; akset automobilistike, Tiranë-Elbasan dhe Tiranë-Durrës. Por shqetësim ngelet edhe aksi rrugor Fushë Krujë-Milot.
Në tre muajt e fundit kanë humbur jetën 20 persona në këto akse, duke treguar një problematikë të madhe.
Gjatë muajve shtator-tetor 2019 u shënuan 42 aksidente me vdekje, 17 me shumë se e njëjta periudhë e një vit më parë. Në nëntorin kanë humbur jetën 13 persona në 18 ditë
Sipas policisë rrugore shkaqet e aksidenteve vijnë nga shkelja e rregullave të qarkullimit nga vetë shoferët, të cilët ngasin me telefon në dorë, tejkalojnë normat e shpejtësisë, apo edhe konsumojnë alkool.
Por edhe këmbësorët nuk ngelen pas. Pavarësisht se Kodi Rrugor është ashpërsuar, ka shkelje të tij nga këmbësorët, që sjellin edhe pasoja.
Financuar Nga Bashkimi Europian
