Më në fund polcia ka zbardhur emrin e vërtetë të të plagosurit të djeshëm pranë gjimnazit ‘Partizani’. Ai është Mishel Manoku, një emër jo i panojhur ëm paëpr për polcinë, por edhe një emër që thotë dicka edhe në botën e artit.
Policia njoftoi se “më datë 20.07.2017, rreth orës 21:11, në numrin e Emergjencave 112, ka ardhur telefonatë për të shtëna me armë në afërsi të gjimnazit “Partizani”. Në vendngjarje kanë mbërritur shërbimet e policisë dhe ambulanca. Nga verifikimet paraprake ka rezultuar se në rrugën “4 Dëshmorët”, është gjendur një shtetas i shtrirë dhe i gjakosur i cili është transportuar në spitalin “Ushtarak”, ku ndodhet nën kujdesin e mjekëve.
Në vendin e ngjarjes janë sekuestruar gëzhoja të qitura nga armë e llojit pistoletë.
Janë ngrit pika kontrolli në hyrje dalje të zonës dhe vazhdon krehja e territorit.
Grupi hetimor po vazhdon punën për saktësimin e gjeneraliteteve të të plagosurit dhe zbardhjen e shkakut dhe rrethanave të ngjarjes.
I plagosuri nuk ka dashur te jape identitetin e sakte duke i dhene Policise dy emra te rreme. Raportohet se kur është pyetur për emrin në momentin e parë që ka mbërritur në urgjencën e Spitalit të Traumës, i plagosuri ka dhënë një emër të rremë, duke thënë se quhej Nishe Prendi. Burime nga Policia thanë se i plagosuri ka paraqitur me pas nje karte identiteti me emrin Edison Delia, e cila rezultoi se ishte false. Sipas mjekëve, i riu ka dy plagë armë zjarri dhe i është nënshtruar një operacioni. Paraprakisht ai është jashtë rrezikut për jetën.
Më herët Manoku ka qenë kontigjent i polcisë sepse ka vuajtur një dënim për plagosje dhe kundërshtim të forcave të policisë. Ndërsa si emër disave u kujton filmin “Saimir”, një film Italian, por me aktorë dhe ngjarje shqiptare, prodhim i vitit 2004. Manoku ka luajtur në filmin “Saimir” të Xhevdet Ferrit pikërisht në rolin kryesor, atë të Saimirit. Si aktor nuk ka ndonjë pjesëmarrje tjetër. Të gjithë ata që e kanë parë filmin i kujtohen skenat e dhunshme të trafikut, prostitucionit, sherreve dhe grupeve kriminale, të cilat Manoku, i përjetoi në film, por që pas më shumë se një dekade i përjtoi edhe në jetë… Por filmi nga jeta kanë një ndryshim të madh, sepse në jetë nuk ka dubla dhe skena interpretohet vetëm një herë…
