Flash News

Bardhi i kërkoi interpelancë 100 milionët e Becchetit, Rama i flet për dosjen ‘Xibraka’ të Olsi Ramës

PS bën teatër në Kuvend, braktis sallën pas fjalës së Zhupës

Po kotecet e pulave dhe kasollet e lopëve, do t'i falë mazhoranca?

“Pse më sheh!”/ Dhunohet me sende të forta 19-vjeçari në Sarandë

“Ligjet nuk vijnë me sms”/ Projektligji i PS për faljen e gjobave nxit debate në Kuvend

Ditari i Opozitës

Bashkimi i PD, reagon Berisha: Bënë realitet dëshirën e 700 mijë shqiptarëve

Politiko 12 Shkurt 2024, 19:24

Bashkimi i PD, reagon Berisha: Bënë realitet dëshirën e 700

Kryedemokrati Sali Berisha reagon pasi mbështetësit e tij dhe përkrahësit e Gazment Bardhit janë bashkuar sot për herë të parë në një mbledhje të grupit parlamentar brenda selisë së Partisë Demokratike.

Në fjalën që mbajti gjatë tubimit poshtë banesës së tij, Berisha tha se sot pas një betejë të përbashkët 1-vjeçare, 43 deputetë të PD, të koalicionit opozitar, u mblodhën së bashku në drejtimin e kryetarit të grupit parlamentar në selinë e partisë dhe bënë realitet dëshirën e rreth 700 mijë shqiptarëve që votuan më 25 prill për PD-në dhe koalicionin e saj.

Berisha: Të dashur miq, ju jeni heronj të vërtetë sepse opozita duket e pamundur kur narkoqeveria për të vendosur kontrollin mbi ju, mori peng drejtues të saj, njerëz të cilëve ju i besuat për dhjetë vite me radhë.

Ju jeni heronj të vërtetë sepse opozita bëhet pothuaj e pamundur kur narkoqeveria korrupton zyrtarët më të lartë të zbulimit, ambasadorë dhe diplomatë për goditur e shkatërruar opozitën e vendit dhe konsoliduar pushtetin e krimit të Edi Ramës.

Ju jeni heronjtë e opozitarizmit në Shqipëri, Europë dhe botë.

Si ju nuk ka sot askërkund.

Ju jeni heronjtë e vërtetë sepse opozita bëhet pothuaj e pamundur kur drejtësia politike arreston liderin e opozitës, kur gjykatat e narkoshtetit vjedhin simbolet e partisë opozitare.

Ju jeni heronj të vërtetë sepse opozita duket e pamundur kur parlamenti u mohon deputetëve çdo të drejtë të dhënë nga Kushtetuta dhe vullneti i sovranit.

Për të gjitha këto, shumë nga ju jeni përballur me presione të jashtëzakonshme. Me të drejtë edhe mund të jeni përlotur, jo vetëm për padrejtësitë ndaj jush dhe opozitës, por të përlotur për Shqipërinë tonë të dashur.

Ka lot në sytë e demokratëve, por ato janë dhe do jenë lot gëzimi, sepse opozita është e bashkuar.

Të dashur miq, në historinë e PD-së, opozitës shqiptare, por edhe Shqipërisë dhe kombit, për aq sa PD, forca kryesore opozitare e vendit është sot shpresë e vetme e shqiptarëve, sot pas një betejë të përbashkët 1-vjeçare, por edhe pas përplasjeve dhe kundërshtive hera herë edhe të forta, 43 deputetë të PD, të koalicionit opozitar, u mblodhën së bashku në drejtimin e kryetarit të grupit parlamentar në selinë e partisë dhe bënë realitet dëshirën e rreth 700 mijë shqiptarëve që votuan më 25 prill për PD-në dhe koalicionin e saj.

Të fundit