Flash News

Bordi i Transparencës cakton çmimet e reja të karburanteve

Dy makina përplasen në aksin Kardhiq–Delvinë, një i vdekur e 3 të plagosur

Udhëkryqi që sjell protesta për Zvërnecin: Nga do t’ia mbajë Shqipëria

"Shkërrmoqet" pasuria e Ballukut, SPAK i sekuestron vilën në Dhërmi. I rëndohet pozita penale

Efektivi u vra gjatë aksionit, policia e Korçës nuk vlerësoi rrezikshmërinë e autorit, vetëm 6 policë në terren

E-TJERA

Arti shqiptar në zi, shuhet “Nderi i Kombit”, Dhimitër Anagnosti

Politiko 1 Shtator 2025, 08:11

Arti shqiptar në zi, shuhet “Nderi i Kombit”, Dhimitër

Është ndarë nga nga jeta këtë të hënë në moshën 89-vjeçare një nga figurat më të mëdha të kinematografisë shqiptare, regjisori i njohur Dhimitër Anagnosti.

Lajmin e hidhur e ka njoftuar vajza e tij, Juna Anagnosti, përmes një postimi në rrjete sociale ku shkruan:

“Lamtumirë Dhimitër Anagnosti, regjisori i jetës sonë! Pas një lëngimi të gjatë ju binde ligjit të jetës! Lamtumirë babush!”

Dhimitër Anagnosti lindi më 23 janar 1936 në Vuno të Vlorës dhe që në rininë e hershme iu përkushtua artit, duke studiuar në Institutin e Kinematografisë “VGIK” në Moskë.

Filmi i tij i parë, “Njeriu kurrë nuk vdes”, u vlerësua me Çmimin e Parë në Festivalin Botëror të Shkollave Kinematografike në Holandë më 1961, duke i hapur rrugën një karriere të ndritur.

Ai realizoi një sërë filmash që mbetën të paharruar në kujtesën e publikut shqiptar, si “Lulëkuqet mbi mure”, “Përrallë nga e kaluara”, “Gjoleka, djali i Abazit”, dhe dhjetëra të tjerë. Anagnosti ka realizuar mbi 14 filma artistikë dhe 10 dokumentarë, duke qenë jo vetëm regjisor, por edhe autor skenarësh.

Gjatë karrierës së tij të gjatë, ai u vlerësua me tituj të lartë, mes tyre “Nderi i Kombit” "Artist i Popullit", ndërsa ka shërbyer edhe si ministër i Kulturës në vitet ’90.

Veprat artistike

Ai është autor i shumë filmave shqip:

Gjoleka, djali i Abazit (2006)
Kthimi i ushtrisë së vdekur (1989)
Përrallë nga e kaluara (1987)
Gurët e shtëpisë sime (1985)
Kujtime nga Gjirokastra (1983)
Vëllezër dhe shokë (1982)
Në shtëpinë tonë (1979)
Monumenti (1977)
Lulëkuqet mbi mure (1976)
Kur hiqen maskat (1975)
Cuca e maleve (1974)
Përjetësi (1974)
Motive nga dita e diel (1973)
Malet me blerim mbuluar (1971)
Parafabrikatet (1970)
Plagë të vjetra (1968)
Duel i heshtur (1967)
Komisari i dritës (1966)
Njeriu kurrë nuk vdes (1961)

Anagnosti ishte i martuar me aktoren e mirënjohur të skenës dhe ekranit shqiptar, “Artisten e Merituar” Roza Anagnosti. Ai do të mbetet si një prej figurave më të dashura dhe më me ndikim në artin dhe kulturën shqiptare.

Të fundit