“Do të restaurohen”, Bashkia e Tiranës urdhëron rreth 200 studentë të largohen nga konviktet

Rreth 200 studentë do të duhet të largohen nga konviktet në Qytetin Studenti. Bëhet fjalë përkatësisht për dy godinat 4 dhe 14.

Shkak për largimin e studentëve është bërë reastaurimi që do t’iu bëhet godinave. Bashkia iu ka lënë afat studentëve deri në 30 Nëntor, pa iu siguruar një vendstrehim tjetër.

Sikurse pohojnë studentët, ju është thënë se do të akomodohen në godinat 22 dhe 24, të cilat nuk janë hapur ende dhe planifikohen të hapen në muajin shkurt të vitit të ardhshëm.

Përpo kësaj, në një dhomë godine qëndrojnë të paktën deri në tre student çka do ta bënte të vështirë qëndrimin. Restaurimi i godinave 4 dhe 14 nuk u bë njëkohësisht me godinat e tjera, ndërkohë që bashkia ka pasur kohë të marrë masa në periudhën e verës, kohë kur studentët janë me pushime.

Studentët kanë njoftuar se do të kenë edhe një prononcim për mediat.

I pari që denoncoi rastin, ishte nënrkyetari i Partisë së Lirisë, Endrit Braimllari. Pak më parë, në një postim në Facebook, Braimllari shkroi se Erion Veliaj ka urdhëruar largimin e studentëve nga godinat e konvikteve duke i lënë në qiell të hapur.

“200 studentë urdhërohen të lënë konviktin ne mes te motit te keq me porosi të Erion Veliaj

Absurditetet e Bashkisë së Tiranës nuk kanë të sosur.

Sikur të ishte e mbytur në punë dhe të mos kishte kohë gjatë verës, bashkia e Tiranës nëpërmjet Drejtoria së Rezidencës Studentore Nr.1 ka urdhëruar rreth 200 studentë të largohen deri në 30 nëntor nga konviktet 4 dhe 14.

Sipas njoftimit të Drejtorisë përkatëse studentët duhet të largohen për shkak të restaurimit të godinave, por pa ju siguruar vend strehimi tjetër.

Ky është një tjetër vendim arbitrar dhe jo human i Bashkisë së Tiranës, e cila ashtu si edhe në rastin e të prekurve nga tërmeti, kërkon të lërë në qiell të hapur 200 studentë.

Ne duhet t’i themi jo arrogancës së kryebashkikut në ikje dhe t’I kthejmë qytetit bashkinë që duan. Më 14 Maj bashkia do u kthehet qytetarëve, ndërsa këshilli Bashkiak do të kthehet në një parlament të vërtetë llogaridhënie”, shkruan Braimllari.