Latifi: Dy rreziqet e mëdha nga përhapja e të dhënave personale

Përhapja e të dhënave personale (ID, nr tel, atësia, etj...)  të qytetarëve nga databaza e patronazhistëve të Tiranës, dhe të aksesueshme nga kushdo, përbën rrezik për çdokënd.

Përmbaruesi Altin Latifi tregon se dy janë rreziqet më të mëdha, bllokimi i numrave të llogarisë nga dashakeqësit dhe vjedhja e identitetit me realizimin e kartave të reja.

Ai këshillon qytetarët dhe bankat në median sociale Facebook, që të bëjnë shumë kujdes këto kohë sepse mund të ketë raste të keqpërdorimit të të dhënave.

Reagimi i Altin Latifit:

Mos të na duket shumë për të qeshur vjedhja dhe keqpërdorimi i të dhënave tona personale.

As ty z.Rama që në çdo takim elektoral po u del në mbrojtje patronazhistave.

....

Dy rreziqe nga përhapja e të dhënave.

1-Imagjinoni një person qe Ju ka inat. Duke patur në dorë të dhënat Tuaja ai telefonon bankën ku Ju merrni pagën: Më ka humb karta e bankomatit, lutemi bllokojeni se mos më vjedhin paratë. Shërbimi i klientit e pyet: Me thoni pak nr e fundit të kartës. Personi X thotë si mbaj mend. Pyetja e radhës: më thoni nr.personal. ai ia thotë sepse i ka nga database i dalë në qarkullim. Pyetjet vijojnë: ditelindja, atesia, vendbanimi etj. Shërbimi i klientit i sigurua që jeni Ju. Hopa karta, u bllokua. Tani imagjinoni të jeni jashtë shtetit dhe të keni mbetur pa lek...

2-Një mashtrues i vë syrin dikujt. Me të dhënat që gjen ne database shkon dhe bën dënoncim se i ka humbur karta i identitetit. Policia i merr denoncimin, bën shpalljen e humbjes së kartës, dhe nis procedurat për kartën e re. Bëhen fotot, shkohet në Njesine Administrative merret një certifikate(e merr pa probleme), aplikohet nga e para dhe karta e re del me të dhënat e tua dhe fotot e mashtruesit. Ky i fundit ditën tjetër qetë qetë shkon ne bankë dhe kërkon të tërheqe lekët që ka në llogari...Hopa.. Madje mund të marrë edhe kredi në emrin tënd..

3-Mos harroni se e albania ka dhe opsionin ke harruar fjalekalimin dhe të sjell nje fjalekalim te ri po aty, mjafton vetëm ID që sot është publike. Ndaj gjithekush mund të vjedhi llogarinë tënde në e albanian tënde dhe të bëjë cfarëdolloj aplikimi në zyrat e shtetit. Mos harroni që janë qindra dokumenta që sot nxirren nga e albania.

Shënim: Shpërndarja e të dhënave tejet sensitive është shumë e rrezikshme. Ndaj, të gjithë me shumë kujdes këto kohë. Sidomos bankat te bëjnë edhe verifikime kur kanë dyshime..

LEXO EDHE:  Databaza e patronazhistëve/ Dhoma e Përmbaruesve: Është cënuar siguria kombëtare, hakerat nga gjithë bota aksesojnë të dhënat e shqiptarëve

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm