Flash News

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

E-TJERA

Shkeljet ligjore të Vangjush Dakos, zbardhet dosja hetimore e SPAK

Politiko 7 Qershor 2023, 10:38

Shkeljet ligjore të Vangjush Dakos, zbardhet dosja hetimore e SPAK

Dosja hetimore e SPAK për Vangjush Dakon evidenton shkeljet ligjore të ish-kryebashkiakut të Durrësit, në dy episode të ndryshme për të njëjtën vepër penale, atë të shpërdorimit të detyrës.

Sipas dosjes, rasti i parë përkon me ndërtimin e një pallati i cili ishte dëmtuar pas tërmetit të 26 Nëntorit 2019, ndërsa rasti i dytë është një procedurë projekt zhvillimor vlera e të cilit është “fryrë” duke kapur shifrën e 220 milionë lekëve të vjetra, nga përllogaritjet që ka bërë SPAK.

Në rastin e parë të pallatit, zbardhja e lejes së ndërtimit është bërë më 14 Tetor 2014 ndërsa pagesa e tarifës më 16 Mars 2015. Kontrolli i karabinasë së përfunduar është bërë më 10 Shkurt 2015 dhe pagesa e tarifës më 9 Prill 2015.

Sipas dosjes së SPAK, “aktet për këtë pallat janë përpiluar në një hark të shumë të shkurtër kohor dhe rezulton se qëllimi i vërtetë i zyrtarëve të Bashkisë Durrës por dhe i ndërtuesit ka qenë pajisja me dokumentacionin tekniko-ligjor të ndërtimit të objektit, i cili jo vetëm kishte përfunduar shumë kohë më parë, por dhe objektivisht ka qenë i pamundur të ndërtohet në një afat kohor prej 7 muajsh dhe në këtë afat kohor të përpilohen të gjitha dokumentet”.

Po ashtu, sipas SPAK në projekt ishte parashikuar që ashensori të zbresë deri në pjesën e garazhdeve, ndërtim ky që nuk është bërë.

Bashkë me Dakon, të arrestuar nga SPAK për këtë dosje hetimore janë edhe: Adhurim Qehajaj, Ermal Lama, Fatmir Ejupi, Adrian Bulku, Fiqiri Fareuku, Adnand Toçilla, Meri Semini Priftuli, Ferzilet Hajderi, Djana Dedja.

Të fundit