Skandali/ Humbi jetën nga COVID-i, fataliteti konfirmohet nga autoritetet e Sarandës, por nuk raportohet tek viktimat nga MSH

Partia Demokratike ka denoncuar një tjetër skandal me raportimin e viktimave nga COVID-19.

Një ditë pas bërjes publike të dokumenteve nga Basha, që tregojnë se nga marsi e deri në tetor janë shënuar 923 viktima nga COVID-19 dhe jo 509 siç raporton autoriteti shëndetësor, anëtari i Këshillit Kombëtar të PD-së, Jolio Dine, denoncon 3 raste humbje jetësh që nuk janë në raportimet ditore të Ministrisë së Shëndetësisë.

Konkretisht rastet: "V. I, 62-vjec, më 31 tetor në Sarande; L. K 78-vjec, më 11 nentor në Delvine dhe F. V. 58-vjec, më 18 nentor në Piqeras-Himare", nuk janë pjesë e fataliteteve ditore të raportuara nga MSH thekson Dine.

Madje njëri nga rastet, ai i të moshuarit L. K. 78-vjeç, është bërë publike edhe përmes një komunikate të autoriteteve lokale më 11 nëntor, por që nuk është raportuar nga MSH.

“Z.Laze Veip Kondo i datëlindjes 10. 01. 1942 .Më dt 2 .11.2020  ka qene me simptoma

Temperaturë, këputje trupi, djersë .Menjëherë ka komunikuar me M.F. Delvinë dhe me 127. Ku ka marrë shërbimin e menjëhershëm në Spitalin e Sarandës. Specialisti i Sarandës ka kryer ekzaminimet dhe me ekzaminim të Skanerit rezultoi me Covid. Aty ka marr mjekimin nga specialisti dhe fatkeqësisht humbi jetën.

Pjesëtarët e tjerë të familjes kanë pas simptoma ku dhe ata kanë kryer ekzaminime, të cilët janë të dyshuar për covid -19. Ata janë izoluar në shtëpi dhe ndiqen nga Mjeku i Familjes. Vazhdon hetimi epidemiologjik nga Nj.V.K.Sh.Delvinë”, shkruhet në komunikatën e autoriteteve lokale.

Përgjatë një vëzhgimi, Politiko.al iu sjell më poshtë numrin e fataliteteve ditore për 22 ditët e fundit (30 tetor - 19 nëntor 2020) të raportuara nga Ministria e Shëndetësisë, të cilat konfirmojnë konstatimin e Dines.

• Më 30 tetor, në komunikatën e MSH raportohej për 3 humbje jete (72 vjeçare dhe 73 vjeçare nga Tirana, 81 vjeçare nga Berati, me sëmundje bashkëshoqëruese).
• Më 31 tetor, MSH raporton 7 humbje jete (një 34 vjeçar, 44 vjeçar dhe 66 vjeçar nga Tirana, një 48 vjeçar nga Pogradeci, një 68 vjeçar nga Korça, 68 vjeçar nga Elbasani, 81 vjeçar nga Fieri).
• Më 1 nëntor, MSH raporton 9 humbje jete (një 44 vjeç dhe 69 vjeç nga Tirana, një 60 vjeçe nga Mati, një 65 vjeçe nga Durrësi, një 66 vjeç Tropojë, një 68 vjeç nga Pogradeci, një 71 vjeçe nga Elbasani, një 71 vjeç nga Berati, një 78 vjeç nga Korça).
• Më 2 nëntor, MSH raporton 9 humbje jete (një 44 vjeçar, një 70 vjeçar, 71 vjeçar, 78 vjeçar, dhe dy qytetare 84 vjeçare nga Tirana, 67 vjeçar nga Mallakastra, 74 vjeçar dhe 82 vjeçar nga Korça).
• Më 3 nëntor, MSH raporton 5 humbje jete (një 54 vjeçar nga Korça, një 64 vjeçar nga Librazhdi, një 64 vjecar dhe dy 66 vjeçarë nga Tirana).
• Më 4 nëntor, MSH raporton 4 humbje jete (një 64 vjeçar nga Vlora, një 65 vjeçar nga Fier, një 81 vjeçar dhe një 84 vjeçare nga Tirana).
• Më 5 nëntor, MSH raporton 7 humbje jete (një 58 vjeçare, një 59 vjeçar, një 63 vjeçar, një 78 vjeçar nga Tirana, një 67 vjeçar nga Lushnja, një 70 vjeçar nga Durrësi një 76 vjeçar nga Skrapari).
• Më 6 nëntor, MSH raporton 9 humbje jete (një 66 vjeçare nga Durrësi, një 70 vjeçar nga Kukësi, dy 75 vjeçarë nga Tirana, një 79 vjeçar nga Elbasani dhe një 81 vjeçar nga Kavaja).
• Më 7 nëntor, MSH raporton 8 humbje jete (një 57 vjeçar dhe 67 vjeçar nga Durrësi, një 64 vjeçar nga Gramshi, një 67 vjeçar nga Kruja, një 76 vjeçar nga Elbasani, 77 vjeçare nga Gjirokastra, një 80 vjeçar nga Lushnja  dhe një 80 vjeçare nga Berati).
• Më 8 nëntor, MSH raporton 2 humbje jete (një 59-vjeçare nga Lushnja dhe një 73-vjeçar nga Tirana, me sëmundje bashkëshoqëruese).
• Më 9 nëntor, MSH raporton 12 humbje jete (një 34 vjeçar nga Durrësi, një 66 vjeçar nga Lezha, një 69 vjeçar dhe një 77 vjeçar nga Pogradeci, një 71 vjeçar nga Berati, një 51 vjeçar, një 56 vjeçar, një 69 vjeçar, 75 vjeçar dhe 78 vjeçare nga Tirana, një 67 vjeçar nga Elbasani, një 70 vjeçar nga Korça, me sëmundje bashkëshoqëruese).
• Më 10 nëntor, MSH raporton 8 humbje jete (një 33 vjeçare nga Lushnja, një 46 vjeçar dhe një 60 vjeçare nga Shkodra, një 65 vjeçar nga Prrenjasi, një 65 vjeçar dhe një 66 vjeçar nga Tirana, një 74 vjeçar nga Pogradec, një 76 vjeçar nga Durrës).
• Më 11 nëntor, MSH raporton 11 humbje jete (një 43 vjeçar nga Gjirokastra, një 58 vjeçar nga Peqini, një 66 vjeçar nga Pogradeci, një 48 vjeçar nga Fieri, një 68 vjeçar dhe një 78 vjeçar nga Berati, një 53 vjeçare dhe një 78 vjeçare nga Korça, një 70 vjeçare nga Elbasani, një 78 vjeçare, dhe një 85 vjeçar nga Tirana).
• Më 12 nëntor, MSH raporton 8 humbje jete (një 65 vjeçar nga Kavaja, një 68 vjeçar nga Kurbini, dy 76 vjeçar nga Tirana, një 64 vjeçare dhe një 67 vjeçare nga Elbasani, një 74 vjeçar nga Kuçova, një 80 vjeçar nga Fieri).
• Më 13 nëntor, MSH raporton 7 humbje jete (një 47 vjeçare nga Vlora, një 63 vjeçar, një 70 vjeçar dhe një 72 vjeçare nga Tirana, një 70 vjeçar dhe një 71 vjeçar nga Durrësi, 83 vjeçare nga Elbasani).
• Më 14 nëntor, MSH raporton 7 humbje jete (një 58 vjeçar dhe një 62 vjeçar nga Kavaja, një 60 vjeçar nga Durrësi, një 73 vjeçar dhe një 75 vjeçar nga Korça, një 78 vjeçar nga Shkodra, një 85 vjeçare nga Tirana).
• Më 15 nëntor, MSH raporton 11 humbje jete (6 persona nga Tirana: një 55-vjeçar, një 62-vjeçar, një 64-vjeçar, një 66-vjeçar, një 70-vjeçar, dhe një-71 vjeçare; një 56-vjeçare nga Dibra, një 65-vjeçar nga Lushnja dhe 3 persona nga Elbasani:një 64-vjeçar, një 77-vjeçare, një 82-vjeçar).
• Më 16 nëntor, MSH raporton 8 humbje jete (një 48 vjeçare, një 71 vjeçar, 74 vjeçar, një 85 vjeçar nga Tirana, një 60 vjeçar nga Mirdita, një 60 vjeçar nga Kurbini, një 63 vjeçar nga Gramshi, një 71 vjeçar nga Durrësi).
• Më 17 nëntor, MSH raporton 6 humbje jete (mjeku 66 vjeçar Ilirjan Draçi, një 28 vjeçare, një 61 vjeçare, një 76 vjeçare, dhe një 78 vjeçar nga Tirana, një 63 vjeçare nga Elbasani).
• Më 18 nëntor, MSH raporton 9 humbje jete (një 60 vjeçar nga Librazhdi; një 63 vjeçar, një 65 vjeçar, një 70 vjeçar nga Tirana, një 63 vjeçar dhe një 79 vjeçar nga Shkodra; një 70 vjeçar nga Durrësi, një 75 vjeçar nga Korça, një 81 vjeçar nga Gjirokastra).
• Më 19 nëntor, MSH raporton 11 humbje jete (një 51 vjeçar dhe 64 vjeçare nga Shkodra,62 vjeçar nga Kavaja dhe një tjetër 62 vjeçar nga Vlora, një 65 vjeçar nga Kruja, një 69 vjeçar nga Berati, një 71 vjeçare nga Lushnja, një 74 vjeçar dhe një 75 vjeçar nga Fieri, një 81 vjeçare nga Gramshi, një 81 vjeçar nga Tirana).

 

"SKANDAL!

31 tetor V. I, 62-vjec, Sarande

11 nentor L. K 78-vjec, Delvine

18 nentor F. V 58-vjec, Piqeras-Himare

Keto jane vdekjet qe kane ndodhur ne mjedise spitalore, te evidentuara si pasoje e COVID-19 dhe nuk jane bere publike nga Ministria e Shendetesise.

Ne komunikatat ditore te harkut kohor 31/10 - 19/11, nuk rezulton asnje e dhene per keta persona", shkruan në reagimin e tij anëtari i Këshillit Kombëtar të PD-së, Jolio Dine.