Flash News

Rama e shpalli

Daughter drowned with cousin/ Father: She begged me to go to the beach with her aunt, the first time I let her

SP rejects protesters' demands, rejects DP's request for a motion with debate

60 students poisoned at the Security Academy, police provide details: They are being investigated, food samples have been taken

Details from the crime in Kavaja, how a brother killed his brother over a road

E-TJERA

“Kupola e të nxehtit” nuk e lëshon Europën, temperaturat ekstreme paralizojnë qytetet

Politiko 2026-06-25 16:19:41

 

“Kupola e të nxehtit” nuk e lëshon Europën,

Europa Perëndimore mbetet e mbërthyer nga një valë e fortë të nxehti, e cila ka shkaktuar dhjetëra viktima, ka ndërprerë furnizimin me energji elektrike, ka detyruar mbylljen e shkollave dhe ka prekur aktivitetin e disa prej monumenteve më të njohura të kontinentit. Dhjetëra milionë njerëz janë prekur nga temperaturat ekstreme, të cilat sipas ekspertëve mund të vazhdojnë deri në fund të javës.

Britania regjistroi temperaturën më të lartë të matur ndonjëherë në muajin qershor, me 36.1 gradë Celsius në jug të Anglisë. Në Francë, Parisi shënoi rekord për qershorin me 40.9 gradë, ndërsa një ditë më parë vendi përjetoi ditën më të nxehtë në historinë e matjeve moderne, me 44.3 gradë Celsius në jugperëndim të vendit.

Në Itali, autoritetet vendosën alarmin maksimal për të paktën 16 qytete, përfshirë Romën, Milanon dhe Firencen, ndërsa paralajmëruan se kulmi i valës së të nxehtit pritet gjatë fundjavës.

Pasojat kanë qenë tragjike. Në Francë, të paktën 48 persona kanë humbur jetën në incidente të lidhura me temperaturat e larta. Edhe në Spanjë janë raportuar dy viktima nga goditja e të nxehtit.

Ekspertët shpjegojnë se fenomeni po shkaktohet nga një model atmosferik i njohur si “Omega Block”, i cili bllokon masat e ajrit të nxehtë mbi Europë për ditë të tëra. Sipas organizatave ndërkombëtare, ndryshimet klimatike po i bëjnë këto episode gjithnjë e më të shpeshta dhe më intensive.

Temperaturat rekord kanë ndikuar edhe në jetën e përditshme. Kulla Eiffel, Muzeu i Luvrit dhe disa atraksione të tjera turistike kanë reduktuar oraret e vizitave, ndërsa transporti publik në Londër, Holandë dhe vende të tjera është përballur me vonesa dhe kufizime. Qindra shkolla u mbyllën ose kufizuan orarin e mësimit në Britaninë e Madhe.

Autoritetet u bëjnë thirrje qytetarëve të shmangin ekspozimin në diell gjatë orëve më të nxehta të ditës dhe të konsumojnë sa më shumë lëngje, ndërsa Europa vazhdon të përballet me një nga valët më intensive të të nxehtit të viteve të fundit. /A2 CNN

Latest news