Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Kosova

Konstituimi i Kuvendit të Kosovës dështon për herë të dytë, caktohet data e re

Politiko 17 Prill 2025, 19:03

Konstituimi i Kuvendit të Kosovës dështon për herë

Sot, Kuvendi i Republikës së Kosovës ka dështuar për herë të dytë të konstituohet, pas zgjedhjeve të parakohshme të 9 shkurtit.

Deputetët nuk arritën të përmbyllin me sukses seancën konstituive, e cila u mbajt sot nën drejtimin e kryesuesit Avni Dehari.

Megjithatë, pas takimit, Dehari deklaroi se nuk është arritur konsensus mbi hapat e mëtejmë, dhe njoftoi se seanca do të vazhdojë më 19 prill, e shtunë në orën 12:00.

Partitë opozitare – PDK, LDK dhe AAK – akuzuan Lëvizjen Vetëvendosje se po e zvarrit procesin me qëllim që “të blejë kohë për pazare politike”, duke pretenduar se partia e Albin Kurtit nuk i ka votat e mjaftueshme për zgjedhjen e kryetarit të Kuvendit dhe formimin e Qeverisë së re.

Një tjetër pikë përplasjeje mbetet statusi i anëtarëve të kabinetit aktual, të cilët kanë dhënë dorëheqjen për të marrë mandatin si deputetë. Opozita insiston se ata nuk mund të vazhdojnë detyrën në ekzekutiv.

Kryeministri në detyrë, Albin Kurti, i ka quajtur të pakuptimta këto kërkesa, duke theksuar se Qeveria e tij ka dhënë dorëheqje që më 23 mars dhe po ushtron funksionet e saj në mënyrë të kufizuar deri në krijimin e ekzekutivit të ri.

Të fundit