Posta e mëngjesit/ Me 2 rreshta: Çfarë pati rëndësi dje në Shqipëri

Mirëmëngjes!

Politiko.al ju sjell një blic lajmesh nga vendi në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■  Në 24 orët e fundit në vendin tonë janë regjistruar tre humbje jete nga COVID-19. Ministria e Shëndetësisë raportoi për 319 raste të reja nga 1534 testime të kryera. Sipas MSH, rritje ka pësuar edhe numri i pacientëve që po marrin shërbim në dy spitalet covid. Aktualisht po trajtohen 301 qytetarë.

■  Policia ka gjobitur 727 qytetarë për mos mbajtjen e maskës në publik, në 24 orët e fundit. Janë shoqëruar në ambientet e Policisë në të gjithë vendin, 10 shtetas, të cilët pasi, paraqitën dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

■  Drejtori i Organizatës Botërore të Shëndetësisë, për Europën, Hans Kluge ka bërë apel që ta mendojnë mbylljen e vendeve si opsionin e fundit pasi ky fakt do te ndikoje negativisht në shëndetin mendor të njerëzve ,ekonominë e vendit dhe se rastet e dhunës në familje do të shtohen.

■  Bashkimi Europian ka financuar 220 milionë euro për transferimin e pacientëve të prekur nga COVID-19 nga një vend në tjetrin, me qëllim lehtësimin e spitaleve të mbingarkuara nga vala e dytë e pandemisë. Lajmin e bëri me dije presidentja e Komisionit Europian, Ursula von der Leyen.

■  Nga Hajdari, Murrizi, Valteri/ Kodi Zgjedhor, cilët janë deputetët që ‘ndryshuan mendje’ në votimin për dekretin e presidentit.

■ Shengeni Ballkanik, Rama, Vuçiç e Zaev takohen në nëntor në Sofje. Ata ftuan zyrtarisht Kosovën që të bashkohet me nismën për bashkëpunim të thelluar rajonal.

■  “Mbret apo dëshmor i kombit”, presidenti Meta ashpërson tonet ndaj kryeministrit Rama: Këlysh blloku, ai qen bir qeni të ketë kujdes me mua, jam nga Skrapari.

■  Kryetarja e LSI, Monika Kryemadhi ka mirëpritur partinë e re të ish-kryetares së parlamentit, Jozefina Topalli, ‘Lëvizja për ndryshim’. Kryemadhi tha se partia e Topallit është një alternativë më shumë dhe për këtë i uroi suksese.

■  I jepet lamtumira kolosit të muzikës shqiptare, Avni Mula. Homazhet u mbajtën në hollin e Universitetit të Arteve. Në mesazhin e lamturmirës ndaj kompozitorit të shquar.

■  "Merrni shembull nga Liga", naftëtari ironizon Ramën: Mos ngatërro kekun me byrekun; futbolli nuk kishte protestë, por bojkot! Duam lekët! 

■  Pas shtrëngimit të masave, MSH vjen me një tjetër rekomandim: Hani vaktet ushqimore në distancë nga të afërmit, shmangni Covid-19.

■ "Brenda presidencës sonë konferencë me Maqedoninë!", ministri i Jashtëm gjerman, Heiko Maas tregon çfarë do ndodh me Shqipërinë

■  "Prej 20 muajsh kemi një parlament monopartiak", Meta mbështet nismën për referendum: Pas 22 vitesh nuk kemi më arsye t’i besojmë çdo politikani, as Presidentit të tanishëm. O tani o kurrë! Referendumi arma në dorë të popullit 

 ■  "Izmiri nën panik prej lëkundjeve të forta!", ambasadori i Shqipërisë në Turqi flet për situatën e shqiptarëve pas tërmetit të fuqishëm 

■  Tërmeti në Egje, Tirana zyrtare mesazhe solidariteti: Forcë, kurajo! I gjendemi pranë Greqisë dhe Turqisë! Fatkeqësia natyrore, nuk do t’i gjunjëzojë fqinjët tanë