Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

E-TJERA

"Prej 20 muajsh kemi një parlament monopartiak", Meta mbështet nismën për referendum: Pas 22 vitesh nuk kemi më arsye t’i besojmë çdo politikani

Politiko 30 Tetor 2020, 12:39

All - Paragraf - 1

"Prej 20 muajsh kemi një parlament monopartiak", Meta

Presidenti i Republikës Ilir Meta ka marrë sot pjesë në një takim me përfaqësues të Shoqërisë Civile “Nisma kombëtare për Referendum”, duke mbështetur iniciativën e aktivistëve për instalimin e ligjit për Referendumin.

All - Paragraf - 3

Gjatë fjalës së tij, Presidenti nënvizoi se Shqipëria qëllimisht nuk ka një kuadër ligjor për të bërë referendumin sepse pasi mekanizmat janë është hequr qëllimisht. Në këtë mënyrë sipas Metës është për dy dekada është përdhosur disa herë vullneti i popullit.

Gjatë vënies në dukje të disa rasteve ku është shkelur haptazi Kushtetuta, Presidenti e vuri theksin edhe tek legjitimiteti i parlamentit, për të cilin tha se nuk përfaqësojnë popullin.

“Referendumi është mjeti më i sigurt për konsultimin e qytetarëve dhe tregues i demokracisë së drejtpërdrejtë dhe gjithëpërfshirës i dëgjimit real të zërit të shumicës dhe vullnetit të tyre të pamanipulueshëm. Kjo vendimmarrje e drejtëpërdrejtë i është mohuar popullit shqiptar prej 22 vitesh në mënyrën më antiKushtetuese dhe të pabesë. Ndaj jam i kënaqur që kjo nismë për referendumet shoqërohet edhe me një projekt-listë të hartuar nga shoqëria civile “Nisma kombëtare për Referendum”, dhe për këtë i falënderoj.

Vetë Kushtetuta jonë u miratua me referendum në 1998 në mënyrë konsensuale, mbi të gjitha për shkak se mori besimin e popullit.

Për fat të keq, ky votëbesim është përdhosur disa herë gjatë këtyre dy dekadave, me ndryshime kushtetuese të nxituara, të pakonsultuara dhe të udhëhequra nga interesa politike afatshkurtre. Precedenti i parë ishte ai i 2008, i cili i dha një goditje në zemër sistemit parlamentar duke na cuar këtu ku jemi sot. Nga demokracia parlamentare, kemi kaluar në demokracinë e kryetarëve dhe oligarkëve. Kjo është arsyeja pse dje 97 copë deputet refuzuan apelin e BE dhe votuan për bllokimin e negociatave jo vetëm në 25 prill, por deri në zgjedhjet e tjera pas 25 prillit.

Rastin e dytë e kemi më të freskët, sepse vetëm para 4 muajësh ndryshimet kushtetuese u ndërmorën pikërisht gjatë kohës së zbatimit të masave të imponuara nga gjendja e fatkeqësisë natyrore, në kundërshtim me Kushtetutën. A ka cënim më flagrant të vullnetit të sovranit?

Prej 20 muajsh kemi një parlament monopartiak, ku populli nuk është tërësisht i përfaqësuar. Nga 140 deputet që kërkon kushtetuta, kemi 122 formalisht. Pastaj përsa i përket legjitimitetit, kjo është cështje tjetër. Prej 32 muajsh nuk kemi Gjykatë Kushtetuese funksionale dhe e kemi parë se kujt i ka interesuar kjo.

Praktikisht kur mungon Gjykata Kushtetuese nuk ka Kushtetutë efektive. Kushtetuta është thjesht një libër, që nuk mbron të drejtën e askujt”, është shprehur Meta.