Flash News

Tiranë/ 40-vjeçarja gjendet e mbytur te Liqeni i Thatë

Sot dita më e nxehtë e vitit, ja zonat ku termometri do të shënojë mbi 40 gradë

Messi nuk ndalet, vendos një tjetër rekord historik në Kupën e Botës

Këmbimi valutor, me sa shiten e blihen monedhat e huaja

Përplasen dy automjete në autostradën Lushnjë-Fier, një i plagosur

SPORT

Messi nuk ndalet, vendos një tjetër rekord historik në Kupën e Botës

Politiko 16 July 2026, 08:59

image.webp

Lionel Messi vazhdon të shkruajë historinë e futbollit botëror. Kapiteni i Argjentinës vendosi një tjetër rekord në Kupën e Botës, duke u bërë lojtari më i vjetër që zbret në fushë në një gjysmëfinale të Botërorit.

Në përballjen ndaj Anglisë, Messi luajti në moshën 39 vjeç e 21 ditë, duke shtuar një tjetër arritje në karrierën e tij të jashtëzakonshme.

Rekordi u regjistrua në gjysmëfinalen e zhvilluar në Atlanta, ku Argjentina siguroi një vend në finalen e madhe përballë Spanjës, pasi përmbysi Anglinë me rezultatin 2-1. Spanja kishte prerë më herët biletën për në finale duke mposhtur Francën 2-0.

Një Botëror rekordesh
Edhe në këtë edicion të Kupës së Botës, Messi ka qenë protagonisti absolut. Para gjysmëfinales ai kishte realizuar tetë gola dhe dy asistime, duke kryesuar garën për "Këpucën e Artë".

Turneu i tij nisi në mënyrë spektakolare me një tregolësh ndaj Algjerisë, në ndeshjen e 200-të me fanellën e Argjentinës. Me 38 vjeç e 357 ditë, ai u bë futbollisti më i vjetër që shënon një "hat-trick" në historinë e Kupës së Botës.

Më pas gjeti rrjetën dy herë ndaj Austrisë, shënoi kundër Jordanisë dhe realizoi edhe në fazën eliminatore ndaj Kepit të Gjelbër dhe Egjiptit.

Falë golave ndaj Austrisë, Messi kaloi Miroslav Klosen dhe u bë golashënuesi më i mirë i të gjitha kohërave në historinë e Kupës së Botës. Përveç kësaj, ai mban edhe rekordin për numrin më të madh të paraqitjeve në historinë e këtij kompeticioni.

Jo vetëm gola, por edhe asiste
Edhe kur nuk shënon, Messi vazhdon të bëjë diferencën.

Në çerekfinalen ndaj Zvicrës, ai asistoi Alexis Mac Allister nga një goditje këndi, duke arritur në 10 asistime në Kupën e Botës, më shumë se çdo futbollist tjetër që nga viti 1966, kur asistet nisën të regjistrohen zyrtarisht.

Statistikat e tij në fazat eliminatore janë po aq mbresëlënëse. Në tetë ndeshjet e fundit me eliminim direkt para gjysmëfinales, Messi ka qenë i përfshirë në 13 gola, me 7 realizime dhe 6 asiste, një rekord i ri në 60 vitet e fundit.

Tashmë Argjentina është një hap larg mbrojtjes së titullit të fituar në Katar në vitin 2022, ndërsa Messi vazhdon të udhëheqë "Albicelesten" drejt një tjetër finaleje, duke dëshmuar se edhe në prag të 40-vjetorit mbetet një nga futbollistët më vendimtarë në botë.

Të fundit