Flash News

Berisha në Këshillin Kombëtar: PD, parti e pamposhtur, ndërkombëtarëzoi denoncimet ndaj narkoshtetit

Mblidhet Këshilli Kombëtar i PD, Berisha prezanton emrat e propozuar për anëtarët e Këshillit të Diasporës

“Fytyra e Instagramit” dhe makthi i kirurgjisë plastike

PD mbledh sot Këshillin Kombëtar, në rend dite zgjedhja e strukturave të reja drejtuese

Gjendet i pajetë 28-vjeçari shqiptar në Britani

Ditari i Opozitës

Berisha në Këshillin Kombëtar: PD, parti e pamposhtur, ndërkombëtarëzoi denoncimet ndaj narkoshtetit

Politiko 15 July 2026, 19:13

Kreu i Partisë Demokratike, Sali Berisha, deklaroi se PD-ja ndodhet në një moment të rëndësishëm politik, si një parti e pamposhtur pas betejave të zhvilluara kundër qeverisë.

Në fjalën e tij gjatë mbledhjes së Këshillit Kombëtar të PD-së, Berisha u ndal te aksioni opozitar, duke thënë se PD ka zhvilluar qindra protesta dhe denoncime kundër asaj që ai e cilësoi si “diktaturë autoritare”.

Berisha deklaroi se PD ka arritur të ndërkombëtarizojë qëndrimet e saj dhe të marrë mbështetje në institucione europiane.

Berisha: Partia Demokratike vjen në këto momente si një parti e pamposhtur, si një parti që kundër kësaj diktature autoritare zhvilloi në tre vite mbi 400 protesta, zhvilloi me qindra akte veprime kundër saj. Vjen në këto moment pasi ajo ja doli të denoncojë me sukses në mbarë botën farsën elektorale të diktaturës autoritare. Ishte një arritje e jashtëzakonshme denoncimi i farsës elektorale dhe njohja e saj si e tillë nga komisioni i jashtëm i Parlamentit Evropian. E vështirë ka qenë beteja jonë me narkoshtetin por përsëri hapat janë të mëdha.

Vetëm dy javë më parë në rezolutën e votuar dhe në dokumentat e Partisë Popullore Evropiane u damkos narkoeuro shqiptare, kjo monedhë e baronëve të drogës dhe qeveritarëve të drogës që po shkatërron, po shkatërron më shumë se gjithçka tjetër ekonominë shqiptare. E vërteta është që gjithnjë e më shumë po ndërgjegjësohet komuniteti ndërkombëtar për rrezikun e madh që përfaqëson narkoshteti dhe Edi Rama për sigurinë jo vetëm të Shqipërisë por dhe të Evropës.

Miq, ne jemi në një moment jashtëzakonisht të rëndësishëm, një protestë 46 ditore vazhdon në bulevardin e Tiranës. Një protestë tërësisht antidiktatoriale. Është detyrë e çdo demokrati e çdo demokratje ta mbështesë atë me të gjitha mundësitë dhe potencialet që ka. Nuk ka bekim më të madh nga zoti sesa të protestosh çdo ditë kundër kësaj narkodiktature. Dhe mos harroni, kauza të cilat ne i kemi mbrojtur me vendosmërinë më të madhe, ai që lufton për kauzën, ai për një kauzë të drejtë, ai nuk tërhiqet kurrë nga beteja për të. Ndaj dhe është kjo kauzë që e shtron atë në rrafshin politik dhe moral aleat kryesor të Partisë Demokratike.

 

Të fundit