Flash News

Diktatorët nuk ngrihen vetëm

PD dënon deklaratën e ministres serbe: Të shpallet "non grata" dhe të paditet për nxitje të gjenocidit

Koçeku tregon prapaskenat e largimit: Disa kolegë të PS më mbështetën në fshehtësi

Dyshohet se u vodhën 3 mln euro, shkarkohet drejtoresha e Postës në Durrës

Pse Banka e Shqipërisë hoqi licencat për 80 zyra këmbimi valutor

Ditari i Opozitës

PD dënon deklaratën e ministres serbe: Të shpallet "non grata" dhe të paditet për nxitje të gjenocidit

Politiko 14 July 2026, 15:59

selia.jfif

Partia Demokratike ka reaguar ndaj deklaratës së ministres serbe të Administratës Publike dhe Vetëqeverisjes Lokale, Snezhana Paunoviç, të cilën e cilëson si raciste dhe antishqiptare.

Ministrja serbe është shprehur se, nëse do të ishte në vend të ish-presidentit serb Sllobodan Millosheviç në vitin 1998, do ta kishte "spastruar etnikisht Kosovën".

Në reagimin e saj, Partia Demokratike dënon ashpër deklaratën e Paunoviçit, duke e cilësuar atë si përfaqësuese të ultranacionalizmit serb, ndërsa kritikon edhe kryeministrin Edi Rama dhe qeverinë shqiptare për mungesën e një reagimi zyrtar.

Partia Demokratike kërkon që Snezhana Paunoviç të shpallet "non grata" dhe të përballet me procedura ligjore për nxitje të gjenocidit.

DEKLARATA:

Këto ditë, në media ka qarkulluar një deklaratë ultraraciste dhe antishqiptare e ministres serbe të Administratës Publike dhe Vetëqeverisjes Lokale, Snezhana Paunoviç, në qeverinë e padronit të Edi Ramës, Aleksander Vuçiçit.

Në këtë deklaratë, ajo shprehet: "Po të isha në vend të Sllobodan Millosheviçit në vitin 1998, do ta kisha spastruar etnikisht Kosovën."

Me këtë deklaratë, kjo figurë e ultranacionalizmit serb shpreh keqardhje që xhelati i Ballkanit, Sllobodan Millosheviçi, me operacionin e tij "Patkoi" dhe me gjenocidin e fundit serb ndaj shqiptarëve, nuk arriti t'i dëbonte ata nga trojet e tyre mijëravjeçare.

Partia Demokratike e dënon me forcë deklaratën raciste dhe antishqiptare të kësaj përfaqësueseje të ultranacionalizmit primitiv serb, si edhe qëndrimin e Edi Ramës dhe të narkoqeverisë së tij përballë deklaratave të tilla çnjerëzore dhe nxitëse të urrejtjes, të cilat bien ndesh me parimet themelore të Deklaratës Universale të të Drejtave të Njeriut.

Shpallja e saj non grata dhe paditja për nxitje të gjenocidit janë të vetmet qëndrime që ajo meriton.

Të fundit