Flash News

Koçeku tregon prapaskenat e largimit: Disa kolegë të PS më mbështetën në fshehtësi

Dyshohet se u vodhën 3 mln euro, shkarkohet drejtoresha e Postës në Durrës

Pse Banka e Shqipërisë hoqi licencat për 80 zyra këmbimi valutor

Zjarrvëniet, 29 persona të arrestuar dhe të proceduar në qershor dhe korrik

Një tjetër ish-kryebashkiak socialist nën akuzë, SPAK merr të pandehur Fredi Kokoneshin

E-TJERA

Pas helmimit të 116 kursantëve, Akademia e Sigurisë heq dorë nga kateringu ‘SORI-AL”

Politiko 14 July 2026, 14:55
Pas helmimit të 116 kursantëve, Akademia e Sigurisë heq dorë

Akademia e Sigurisë ka ndryshuar mënyrën e furnizimit me ushqim për kursantët, pas dy rasteve të helmimeve masive të regjistruara brenda një muaji. Institucioni nuk përdor më shërbimin e kateringut nga ‘SORI-AL’, por vaktet tashmë gatuhen në mensën e Akademisë.

 
Burime bëjnë me dije se ndryshimi ka hyrë në fuqi më 27 qershor, me synimin për të shmangur përsëritjen e incidenteve që tronditën institucionin.

Krahas rikthimit të gatimit në ambientet e mensës, është bërë edhe riorganizimi i saj, është shtuar personeli i kuzhinës dhe është zgjeruar menuja që u ofrohet kursantëve.

Sipas burimeve, studentët që frekuentojnë Akademinë shprehen se ushqimi është më i freskët, ndërsa vaktet janë më të larmishme krahasuar me periudhën kur shërbimi ofrohej nga kompania e kateringut.

Vendimi vjen pas dy episodeve të njëpasnjëshme të dyshuara si helmime ushqimore. Në total, 116 kursantë shfaqën simptoma si të vjella, diarre, temperaturë dhe dhimbje koke, duke u transportuar për ndihmë mjekësore në QSUT. 
Pas rasteve u ngrit një grup hetimor, ndërsa Autoriteti Kombëtar i Ushqimit mori mostra të ushqimeve për analiza laboratorike.

Rasti i parë u regjistrua në muajin maj, kur dhjetëra kursantë përfunduan në spital.

Analizat laboratorike identifikuan një kampion ushqimor jokonform, ku në makaronat e gatshme u konstatua prani mbi normë e bakterit Escherichia coli dhe stafilokokut koagulazë pozitiv.

Pas këtij konstatimi, AKU pezulloi përkohësisht aktivitetin e kompanisë “SORI-AL”, e cila ofronte shërbimin e kateringut për Akademinë e Sigurisë, por në një vendim të dytë kateringu vijoi aktivitetin.

Vetëm pak javë më vonë, një incident i dytë preku mbi 60 kursantë të tjerë. Edhe në këtë rast, AKU kreu kontrolle të menjëhershme, mori 14 mostra ushqimore për analiza dhe nisi verifikimet për të përcaktuar shkakun e ngjarjes.

Të fundit