Flash News

Koncerti i Kanye West me fondet e shtetit, OCCRP: Qeveria e përdori për të sfumuar protestat

Defekt në tragetin e linjës Durrës-Bari, bllokohen rreth 100 pasagjerë

Ja sa vite burgim u kërkuan për nënën e Monikës

“Sy të nxirë e flokë të shkulur”/ Babai i 17-vjeçares së dhunuar: Policia nuk mori masa

Tjetërsimi i pronave në Durrës/ Gjykata konfirmon masat e sigurisë për të dyshuarit

E-TJERA

Paradoksi/ QSUT kërkon donacione për pajisje mjekësore, qeveria financoi me 4 miliardë lekë koncertin e Kanye West

Politiko 13 July 2026, 17:32

Ndërsa QSUT u kërkon qytetarëve të hapin kuletat për pajisje mjekësore, debati për 4 miliardë lekët e financuara nga shteti për koncertin e Ye vijon të marrë përmasa.

Gazetari Osman Stafa, një një postim në rrjetet sociale, ka reaguar duke vënë në pikëpyetje prioritetet e shpenzimeve publike. Ai ka krahasuar nevojën e një spitali publik për mbështetje financiare me vendimin e qeverisë për të akorduar fonde për koncertin e artistit Ye në Tiranë.

“QSUT u bën thirrje qytetarëve shqiptarë që të bëjnë donacione që të blejnë pajisje mjekësore. Ndërsa shteti shqiptar financon 4 miliardë lekë një koncert privat. A ka absurditet më të madh?”, shkruan gazetari.

Sipas tij, është shqetësuese që qytetarëve u kërkohet të kontribuojnë për nevoja bazë në një institucion shëndetësor publik, ndërsa miliona lekë nga fondet shtetërore orientohen drejt aktiviteteve të tjera.

“Spitali u kërkon lekë qytetarëve, shteti i çon lekët tek spektakli. E frikshme”, ka deklaruar Stafa.

Reagimi i gazetarit vjen pas debatit të hapur për financimin publik të koncertit të artistit Kanye West në Tiranë. Për këtë aktivitet, qeveria shqiptare bëri me dije se kishte akorduar rreth 400 milionë lekë (afërsisht 4 milionë euro) nga fondi i emergjencës, duke e argumentuar si një investim për promovimin e Shqipërisë dhe turizmit.

 

Të fundit