Flash News

Këmbimi valutor, me sa shiten e blihen euro dhe dollari?

Moti sot/ E hëna sjell kthjellime, por edhe reshje të dobëta në disa zona

Demokratët Europianë: Kryeministri të ndalojë së shpërfilluri, Shqipëria po flet

Aksident në Gjirokastër-Tepelenë, drejtuesi i motoçikletës humb njërën këmbë

Dyshohet se përdhunoi një 18-vjeçare gjermane, i riu shqiptar vihet nën hetim në Itali

E-TJERA

Aksident në autostradën Lushnjë–Rrogozhinë, gruaja përplaset nga fuoristrada

Politiko 13 July 2026, 08:07

Capture-131-770x395.jpg

Një aksident rrugor ka ndodhur në autostradën Lushnjë–Rrogozhinë, në afërsi të fshatit Zhamë-Sektor, ku një 75-vjeçare është përplasur nga një automjet tip fuoristradë teksa tentonte të kalonte rrugën.

Sipas të dhënave paraprake, e plagosura është Bajame Ramazani, banuese në Zhamë-Sektor. Ajo dyshohet se po kalonte nga njëra anë e autostradës në tjetrën për të shkuar drejt tokave të saj bujqësore, duke kaluar mbi trafikndarëse, rreth 50 metra larg një mbikalimi për këmbësorët.

Përplasja ka qenë e fortë, duke i shkaktuar të moshuarës dëmtime të rënda. Ajo u transportua me urgjencë në Spitalin e Lushnjës, ku ndodhet në gjendje kritike dhe po merr trajtim në repartin e terapisë intensive.

Menjëherë pas aksidentit, në vendngjarje mbërritën shërbimet e Policisë Rrugore, të cilat nisën hetimet për zbardhjen e plotë të rrethanave të ngjarjes, si edhe morën masa për normalizimin e qarkullimit në zonë. Drejtuesi i fuoristradës është shoqëruar në polici për veprime të mëtejshme procedurale.

 

Të fundit