Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Rama mbron hetimin për review-t negative ndaj bizneseve, akuzon protestuesit për “sulm kriminal”

Përplasen dy makina në aksin e vjetër Fier–Vlorë, një i plagosur

Digjet një banesë në qendër të Durrësit, ndërhyjnë zjarrfikësit

Moti ekstrem kërcënon çerekfinalen, FIFA mund të ndryshojë orarin e Angli–Norvegji

SPORT

Yamal sfidon Francën para gjysmëfinales: Nëse dikush duhet të ketë frikë, janë ata

Politiko 11 July 2026, 09:55

Sulmuesi i Spanjës, Lamine Yamal, ka dërguar një mesazh të fortë për Francën përpara përballjes mes dy kombëtareve në gjysmëfinalen e Kupës së Botës 2026.

Pas fitores 2-1 ndaj Belgjikës, e cila u vulos me golin e Mikel Merinos në minutën e 88-të, Yamal u shpreh i bindur se Spanja nuk ka asnjë arsye për t'iu frikësuar francezëve.

"Nëse Franca duhet t'i frikësohet dikujt, jemi ne. I kemi eliminuar më parë dhe i kemi mposhtur dy herë. Sinqerisht, mendoj se jemi dy skuadrat më të mira të këtij Botërori. Do të shohim çfarë do të ndodhë, por ne nuk kemi aspak frikë", deklaroi Yamal.

Spanja siguroi biletën për në gjysmëfinale falë fitores dramatike ndaj Belgjikës, ndërsa Franca kaloi Marokun me rezultatin 2-0.

Përballja e së martës në Arlington të Teksasit do të jetë takimi i tretë mes dy kombëtareve në tre vitet e fundit. Spanja ka triumfuar në dy përballjet e mëparshme, duke eliminuar Francën në gjysmëfinalen e Euro 2024 dhe më pas në UEFA Nations League 2025.

Gjysmëfinalja pritet të jetë një nga duelet më spektakolare të këtij Botërori, me dy prej favoritëve kryesorë që do të luftojnë për një vend në finalen e madhe.

Të fundit