Flash News

Reuters: Biznesmeni që i shiti tokën Kushnerit dyshohet për pastrim parash

Posta e mëngjesit/ Me 2 rreshta: Çfarë pati rëndësi dje në Shqipëri

Rama mbron hetimin për review-t negative ndaj bizneseve, akuzon protestuesit për “sulm kriminal”

Përplasen dy makina në aksin e vjetër Fier–Vlorë, një i plagosur

Digjet një banesë në qendër të Durrësit, ndërhyjnë zjarrfikësit

E-TJERA

Media holandeze De Telegraaf: Koncerti i Kanye West në Shqipëri ndez polemika, Rama përballet me kritika për financimin publik

Politiko 11 July 2026, 10:29

Gazeta holandeze De Telegraaf i ka kushtuar vëmendje debatit që ka shpërthyer në Shqipëri lidhur me koncertin e reperit amerikan Kanye West, i planifikuar të mbahet këtë fundjavë pranë Tiranës.

De Telegraaf thekson se Shqipëria mbetet një nga vendet e pakta evropiane ku West do të performojë këtë verë, pasi vende dhe organizatorë të tjerë kanë anuluar koncertet e tij për shkak të deklaratave kontroverse.

Në artikull thuhet se qeveria shqiptare e ka justifikuar mbështetjen financiare me argumentin se eventi do të sjellë përfitime ekonomike dhe turistike.

Megjithatë, sipas gazetës holandeze, vendimi ka nxitur protesta dhe kritika të shumta. Në artikull përmendet edhe reagimi i Komunitetit Hebraik Shqiptar, i cili e ka dënuar organizimin e koncertit, duke argumentuar se nuk bëhet fjalë vetëm për një aktivitet artistik, por për legjitimimin e një figure që ka përsëritur publikisht qëndrime antisemitike.

ARTIKULLI:

Koncerti do të zhvillohet këtë fundjavë pranë kryeqytetit, Tiranës. Sipas kundërshtarëve, është e papranueshme që paratë e taksapaguesve të përdoren për një artist që gjatë viteve të fundit ka shkaktuar vazhdimisht polemika me deklarata antisemitike dhe lavdërime për Adolf Hitlerin.

Shqipëria është një nga të paktat vende evropiane ku Ëest mund të performojë ende këtë verë. Disa vende dhe organizatorë të tjerë i kanë anuluar më parë koncertet e tij për shkak të deklaratave të tij kontroverse. Sipas qeverisë shqiptare, mbështetja financiare është e nevojshme për të bërë të mundur zhvillimin e një eventi për të cilin tashmë ishin shitur mijëra bileta.

Nxitje për ekonominë dhe turizmin

Rama e mbron këtë investim duke thënë se koncerti do t'i japë një shtysë të rëndësishme turizmit dhe ekonomisë. Sipas kryeministrit, priten dhjetëra mijëra vizitorë të huaj dhe miliona euro të ardhura shtesë për hotelet, restorantet dhe bizneset e tjera lokale.

Megjithatë, vendimi ka shkaktuar një valë protestash. Në rrjetet sociale po vërshojnë komentet kritike, ndërsa edhe Komuniteti Hebraik Shqiptar ka dënuar ardhjen e artistit. Sipas organizatës, nuk bëhet fjalë për "thjesht një koncert", por për legjitimimin e një figure që në mënyrë të përsëritur ka përhapur qëndrime antisemitike.

Kjo polemikë vjen në një moment të vështirë për Ramën, i cili prej javësh ndodhet nën presion për shkak të protestave kundër politikave të tij dhe akuzave se po u jep përparësi të tepruar investitorëve të huaj.

Të fundit